អង្គការណាសានឹងប្រើរ៉ូបូតដើរដោយចំហាយទឹក ដើម្បីទៅស្វែងរកវត្តមានជីវិតនៅលើឋានព្រះច័ន្ទ

បរទេស៖ អង្គការណាសាបានប្រកាសថា ខ្លួនកំពុងអភិវឌ្ឍ​រ៉ូបូតទំហំប៉ុនបាល់ ដើរដោយចំហាយទឹក ដើម្បីធ្វើបេសកកម្ម​រុករក​វត្តមាននៃជីវិត ដែលកំពុងរស់នៅលើឋានព្រះច័ន្ទ។

មន្ទីរពិសោធន៍ Jet Propulsion Laboratory (JPL) របស់ណាសាបាននិយាយថា ​រ៉ូបូតដើរដោយថាមពលចំហាយទឹក ដែលអង្គការ​កំពុងអភិវឌ្ឍឡើងនោះមានឈ្មោះថា SPARROW ហើយវានឹងត្រូវបានគេបញ្ជូនទៅចុះចតនៅលើផ្ទៃ​ព្រះច័ន្ទ Europa របស់ភពព្រហស្បតិ៍ ​និងផ្ទៃព្រះច័ន្ទ Enceladus របស់ភពសៅរ៍ ក្នុងដំណើរស្វែងជីវិតនៅទីនោះ។

លោក Gareth Meirion-Griffith ដែលជាអ្នកបង្កើតរ៉ូបូត និងជាអ្នកដឹកនាំការស្រាវជ្រាវសម្រាប់គម្រោងនេះ បានលើកឡើងយ៉ាងដូច្នេះថា៖

​សូមបញ្ជាក់ផងដែរថា ព្រះច័ន្ទ Europa និងព្រះច័ន្ទ Enceladus គឺមានមហាសមុទ្រដ៏ធំ​ ​ដែលត្រូវបានគ្របដណ្តប់ទៅដោយស្រទាប់ទឹកកកយ៉ាងក្រាស់។ ​ហើយក្រុមអ្នកវិទ្យាសាស្ត្ររបស់អង្គការណាសាជឿជាក់ថា ​នៅផ្ទៃខាងក្រោមផ្ទាំងទឹកកកដ៏ក្រាស់នោះ គឺអាចនឹងមានជីវិតរាប់លានប្រភេទកំពុងរស់នៅ៕