បរទេស៖ ក្រុមអ្នកវិទ្យាសាស្ត្ររបស់អង្គការណាសាបាន​និយាយថា ព្រះច័ន្ទភពព្រហស្បតិ៍ គឺប្រហែលជា​អាចទ្រទ្រង់ជិវិតបាន ក្រោយការរកឃើញនូវតម្រុយខ្លះៗ ​ដែលអាចបង្ហាញពីលក្ខខណ្ឌសមប្រកបសំរាប់ជីវិតនៅទីនោះ។

ជីវិតរាប់លានប្រភេទ ​អាចនឹងកំពុងរស់នៅលើព្រះច័ន្ទ Europa

​យោងតាមការស្រាវជ្រាវរបស់ក្រុមអ្នកវិទ្យាសាស្ត្រខាងលើបានឱ្យដឹងថា ព្រះច័ន្ទ Europa ភពព្រហស្បតិ៍ គឺជាមហាសមុទ្រដ៏ធំមួយ ​ដែលត្រូវបានគ្របដណ្តប់ទៅដោយស្រទាប់ទឹកកកយ៉ាងក្រាស់។ ក៏ប៉ុន្តែ​នៅផ្ទៃខាងក្រោមផ្ទាំងទឹកកកនោះ គឺអាចនឹងមានជីវិតរាប់លានប្រភេទកំពុងរស់នៅ។

ការសិក្សារបស់អង្គការណាសាបានបង្ហាញថា មហាសមុទ្រលើព្រះច័ន្ទ Europa ​អាចនឹងមានផ្ទុកសារធាតុរាវ អំណោយផលដល់ជីវិត

លោក Mohit Melwani Daswani ​ដែលជាអ្នកដឹកនាំការស្រាវជ្រាវនេះ បានលើកឡើង​ថា៖ 

Mohit Melwani Daswani
ក្រុមអ្នកវិទ្យាសាស្ត្រជឿជាក់ថា ជីវិតរាប់លានប្រភេទ អាចនឹងកំពុងលាក់ខ្លួន ក្រោមផ្ទាំងទឹកក ដ៏ក្រាស់នៃព្រះច័ន្ទ Europa

​គួរឱ្យដឹងផងដែរថា ការអះអាងបែបនេះរបស់​ក្រុមអ្នកវិទ្យាសាស្ត្រ ​គឺត្រូវបានធ្វើឡើងបន្ទាប់ពីឆ្លងការធ្វើវិភាគផ្សេងៗ ​ទៅលើទិន្នន័យ​​តេឡេស្កូប Hubble ​របស់អង្គការណាសា ​ដែលបានថតយករូបភាព​នៃព្រះច័ន្ទទឹកកកនោះយ៉ាងច្បាស់។ ហើយនៅប៉ុន្មានឆ្នាំខាងមុខទៀតនេះ អង្គការណាសាគ្រោងរៀបចំបេសកកម្មបាញ់បង្ហោះយានទៅ​ចុះចតលើព្រះច័ន្ទ Europa ដើម្បីធ្វើការសិក្សា​​ ក៏ដូចជាស្វែងរកជិវិត ដែលអាចនឹងកំពុងលាក់ខ្លួននៅទីនោះ៕

អ្នកវិទ្យាសាស្ត្រណាសាកំពុង ត្រៀមរៀបគម្រោងធ្វើបេសកកម្មទៅស្រាវជ្រាវព្រះច័ន្ទ Europa នៅប៉ុន្មានឆ្នាំខាងមុខ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ