អេស្ប៉ាញ៖ ក្លិបអ្នកមានបុណ្យ Barcelona បានឈានដល់កិច្ចសន្យានាំយក ខ្សែបម្រើឆ្នើម Miralem Pjanic ពីក្លិប Juventus ជាផ្លូវការហើយក្នុងតម្លៃខ្លួន៦៥លានអឺរ៉ូ​ (ឬប្រមាណជា៧៣លានដុល្លារ) អមជាមួយកិច្ចសន្យាចំនួន៤ឆ្នាំ ពោលគឺនឹងនៅលេងឲ្យក្លិបរហូតដល់បញ្ចប់រដូវកាល ២០២៣/២០២៤។

  កីឡាករ Miralem Pjanic

ក្លិបយក្សរបស់អេស៉្បាញមួយនេះក៏បានប្រកាសជាផ្លូវការថាបានឈានដល់កិច្ចសន្យាលក់កីឡាករ Arthur Melo ទៅឲ្យក្លិប Juventus ផងដែរនៅប៉ុន្មានម៉ោងមុនការប្រកាសទិញបានកីឡាករ Pjanic នោះ។

ជាមួយគ្នានេះក្លិបសេះបង្កង់ Juventus បានចុះកិច្ចសន្យាទិញយកកីឡាករ Arthur ពី Barca ក្នុងតម្លៃខ្លួន៧២លានអឺរ៉ូ (ឬប្រមាណ៨១លានដុល្លារ) ក្នុងកុងត្រារយៈពេល៥ឆ្នាំ។

  កីឡាករ Arthur Melo 

គួរបញ្ជាក់ដែរថាកីឡាករ Miralem Pjanic បានមកចូលរួមជាមួយក្លិប Juventus នៅក្នុងឆ្នាំ២០១៦ ដោយបង្ហាញខ្លួនឲ្យក្លិបបាន២១៤ប្រកួត ហើយបានឈ្នះពានរង្វាន់ធំៗជាមួយក្លិបជាច្រើនដូចជា ពានរង្វាន់ Serie A ចំនួន៣ដង ពាន Coppa Italia ចំនួន២ដង និងពាន Italia Super Cup ចំនួន១ដងផងដែរ។

ក្លិប Juventus លើកពាន Serie A របស់ពួកគេ

ចំណែកឯកីឡាករ Arthur Melo វិញមកចូលរួមជាមួយក្លិប Barcelona នៅក្នុងឆ្នាំ២០១៨ បង្ហាញខ្លួនឲ្យក្លិបមួយនេះបាន៧២ប្រកួត ដោយឈ្នះបានពាន La Liga មួយលើក និងពាន Spanish Super Cup មួយលើកជាមួយក្លិប៕

ក្លិប Barcelona លើកពាន La Liga របស់ពួកគេ

ប្រភព​​​៖ sportsmole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ