អីយ៉ាស! Man City ចាប់ផ្ដើមមានគំនិតចង់បានគោលដៅរបស់ Man UTD ម្នាក់នេះដែរហើយ

អង់គ្លេស៖ យោងតាមសេចក្ដីរាយការណ៍បានឲ្យដឹងថា ក្លិបមេឃខៀវ Manchester City កំពុងបាញ់រ៉ាដា ទៅលើគោលដៅរបស់ក្រុមបិសាចក្រហម Manchester United កីឡាករ Jack Grealish ។

Man City ត្រូវបានកាសែត Telegraph រាយការណ៍មកថា នឹងធ្វើការតាមទិញ តារាឆ្នើមរបស់ក្លិប Aston Villa រូបនេះ នៅទីផ្សាររដូវក្ដៅខាងមុខ ប្រសិនបើពួកគេ ទទួលបានលុយ៥០លានផោន (ឬប្រមាណ៦១លានដុល្លារ) ពីការលក់ខ្សែប្រយុទ្ធស្លាប Leroy Sane ។

ប្រភពខាងលើបានបន្ថែមទៀតថា Man City កំពុងសម្លឹងរកមើលខ្សែបម្រើដែលមានភាពឆ្នៃប្រឌិត មកចូលរួមក្រុម ដើម្បីត្រៀមជំំនួសកីឡាករចាស់វស្សា David Silva ដែលនឹងចាកចេញពីកីឡដ្ឋាន Etihad នាបញ្ចប់រដូវកាលនេះ។

ជាមួយគ្នានេះ កាលពីពេលកន្លងទៅ គ្រូបង្គោលក្រុម Man City លោក Pep Guardiola ក៏ធ្លាប់ធ្វើការកោតសរសើរមិនដាច់ពីមាត់ ពីសមត្ថភាពរបស់ Grealish ផងដែរ។ ក្នុងនោះគ្រូបង្វឹកសញ្ជាតិអេស្ប៉ាញ បានលើកឡើងយ៉ាងដូច្នេះថា៖

គួរឲ្យដឹងដែរថា Grealish​ មួយរយៈចុងក្រោយមានព័ត៌មានលេចឮមកច្រើន ទាក់ទងនឹងក្លិប Man UTD ចង់បានទៅរួមក្រុម ខណៈក្លិប Aston Villa បានទាមទាររហូតដល់ ៨០លានផោន​ (ឬប្រមាណ ៩៨លានដុល្លារ) ឯណោះ សម្រាប់តម្លៃខ្លួនម្ចាស់អាវលេខ១០រូបនេះ ៕

ប្រភព៖ birminghammail