អ៊ីតាលី៖ ក្លិប Inter Milan ត្រូវបានគេរាយការណ៍មកថាកំពុងតែចង់បានខ្សែប្រយុទ្ធរបស់ក្រុម Manchester City កីឡាករ Sergio Aguero ដោយបានត្រៀមដាក់ខ្សែការពារឆ្នើម Milan Skriniar សម្រាប់ធ្វើការដោះដូរ។
ស្របពេលជាមួយគ្នានេះ ក្លិបយក្សអ៊ីតាលី កំពុងមានគម្រោងចងលក់កីឡាករ Milan Skriniar ចេញពីក្លិបនៅរដូវកាលដោះដូរកីឡាករខាងមុខ ហើយក្លិប Man City ក៏បានចាប់អារម្មណ៍ក្នុងការនាំយក រនាំងការពាររូបនេះទៅរួមក្រុមផងដែរ។
លោក Pep Guardiola កំពុងតែព្យាយាមពង្រឹងតំបន់ការពារក្នុងក្រុមបន្ថែមក្រោយពីការចាកចេញរបស់ប្រធានក្រុមឆ្នើម Vincent Company ស្របពេលនេះកីឡាករ John Stones ក៏កំពុងមានទម្រង់លេងមិនសូវល្អដែរនោះ។
ចំណែកឯកីឡាករ Sergio Aguero នឹងត្រូវអស់កុងត្រាជាមួយ Man City នៅចុងរដូវកាលក្រោយ ដោយជើងស៊ុតជម្រើសជាតិអាហ្សង់ទីន រកបាន១៦គ្រាប់នៅ Premier League រដូវកាលនេះ។ ក្នុងនោះដែរ Aguero ក៏ធ្លាប់បាននិយាយថា រូបគេចង់បញ្ចប់អាជីពជាកីឡាករបាល់ទាត់របស់ខ្លួននៅស្រុកកំណើតផ្ទាល់គឺប្រទេសអាហ្សង់ទីន។
ដោយឡែកក្លិប Inter Milan ឯណោះវិញកំពុងតែចង់បានខ្សែប្រយុទ្ធឆ្នើមម្នាក់មករួមក្រុម ដើម្បីយកមកជំនួសកីឡាករ Lautaro Martinez ដែលក្លិប Barcelona កំពុងតាមយ៉ាងស្អិតក្នុងការចរចាទិញយកទៅរួមក្លិប៕
ប្រភព៖ dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
