អង់គ្លេស៖ ថ្មីៗនេះ មានរឿងរ៉ាវនឹកស្មានមិនដល់មួយបានកើតឡើង ដោយមានក្មេងស្រីអាយុឆ្នាំម្នាក់ បានទូរសព្ទទៅកាន់លេខ ៩៩៩ ហើយប្ដឹងប៉ូលិសឲ្យមកយកម្ដាយរបស់នាងទៅដាក់ពន្ធនាគារ បន្ទាប់ពីពួកគេបានប្រឡែងលេងជាមួយគ្នា។

បើតាមសម្ដីរបស់អ្នកស្រី Vicky Pitchford អាយុ២៩ឆ្នាំ ជនជាតិអង់គ្លេស និងត្រូវជាម្ដាយរបស់ក្មេងស្រីខាងលើឈ្មោះ Ruby បានឲ្យដឹងថា ដំបូងឡើយ អ្នកស្រីបានប្រឡែងលេងជាមួយនឹងកូនស្រីធម្មតាប៉ុណ្ណោះ។ បន្ទាប់មក កូនស្រីបានព្យាយាមវារចេញ ហើយឃើញដូច្នេះ អ្នកស្រីក៏បានចាប់ជើងរបស់កូនស្រី និងអូសឲ្យចូលមកក្បែរខ្លួនអ្នកស្រីវិញ។

ក្រោយមក អ្នកស្រីបានឡើងទៅជាន់ខាងលើដើម្បីសម្អាតបន្ទប់គេង ហើយខណៈនោះ កូនស្រីក៏បានមកដល់បន្ទប់ដែរ និងនិយាយថា ប៉ូលិសបានទូរសព្ទមក។ តែយ៉ាងណាមិញ អ្នកស្រីមិនបានចាប់អារម្មណ៍ឡើយ។ រំពេចនោះ អ្នកស្រីបានឮសំឡេងមនុស្សប្រុសម្នាក់និយាយចេញពីទូរសព្ទថា ​​«សួស្ដី» ហើយអ្នកស្រីក៏ប្រញាប់ប្រញាល់ទាញទូរសព្ទពីដៃរបស់កូនស្រី និងពិនិត្យឃើញថា កូនស្រីពិតជាបានតេទៅប៉ូលិសពិតមែន។

បន្ទាប់មក ប៉ូលិសបាននិយាយទៅកាន់អ្នកស្រីថា «កូនស្រីរបស់អ្នកស្រី បានប្រាប់ពួកយើងឲ្យទៅចាប់ខ្លួនអ្នកស្រី ដាក់ពន្ធនាគារ ដោយសារតែអ្នកស្រីបានចាប់ជើងរបស់គេ»។

យ៉ាងណាមិញ អ្នកស្រី Vicky បានបញ្ជាក់ថា អ្នកស្រីតែងតែមានអារម្មណ៍ច្របូកច្របល់រាល់ពេលមានបញ្ហាអ្វីមួយកើតឡើង ដូចជាពិបាកដកដង្ហើមជាដើម ហេតុដូច្នេះហើយ ដែលអ្នកស្រីបង្រៀនកូនស្រីឲ្យចេះទូរសព្ទទៅកាន់លេខ ៩៩៩។ តែអ្នកស្រីនឹកស្មានមិនដល់ឡើយថា លើកនេះកូនស្រីឆ្លៀតឱកាសតេទៅកាន់លេខ ៩៩៩ បែបនេះ៕

Ruby និងម្ដាយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ