ចិន៖ លោកយាយ Almihan Seyiti បានកើតនៅថ្ងៃទី២៥ ខែមិថុនា ឆ្នាំ១៨៨៦ ក្នុងរជ្ជកាលអធិរាជក្វាងស៊ូ ហើយបច្ចុប្បន្ននេះ លោកយាយត្រូវបានគេចាត់ទុកជាស្រ្តីមានអាយុច្រើនបំផុតនៅលើពិភពលោក។ តួយ៉ាង កាលពីថ្ងៃព្រហស្បតិ៍ម្សិលមិញនេះ ក្រុមមន្ដ្រីបានរៀបចំពិធីជប់លៀងយ៉ាងអធឹកអធមនៅឯតំបន់ Uigur ភាគនិរតីនៃប្រទេសចិន ដើម្បីអបអរពិធីខួបកំណើតគម្រប់អាយុ ១៣៤ឆ្នាំដល់គាត់ផងដែរ។

តាមប្រភពព័ត៌មានបានឲ្យដឹងថា លោកយាយ Almihan បានរៀបការនៅអាយុ ១៧ឆ្នាំ និងក្លាយជាស្ត្រីមេម៉ាយអស់រយៈពេល ៤៤ឆ្នាំ ។ គាត់ប្រើជីវិតជាអ្នកចូលចិត្ដច្រៀង និងលេងឧបករណ៍តន្ត្រីអស់រយៈពេល ទសវត្ស ហើយនៅឆ្នាំ២០១៣ គាត់បានក្លាយជាពលរដ្ឋ ដែលមានវ័យចំណាស់ជាងគេរបស់ប្រទេសចិន កាលនៅមានអាយុ ១២៧ឆ្នាំ។ តែអ្វីដែលកាន់តែពិសេសទៀតនោះ បច្ចុប្បន្នគាត់នៅតែមានសុខភាពល្អ ហើយអាចស្ដាប់ និងមើលឃើញផងដែរ ទោះបីការដើររបស់គាត់​ហាក់មានការលំបាកបន្ដិចក៏ដោយ។

​គួរឱ្យដឹងផងដែរថា លោកយាយ Almihan ​មិនទាន់ទទួលបានកំណត់ត្រាពិភពលោក ក្នុងនាមជាពលរដ្ឋមានអាយុច្រើនបំផុតរបស់ហ្គីតណេសនៅឡើយទេ ទោះបីសព្វថ្ងៃគាត់អាចមានអាយុច្រើនជាង ១៧ឆ្នាំ លើម្ចាស់កំណត់ត្រាពិភពលោកជាជនជាតិជប៉ុន ដែលមានអាយុ ១១៧ឆ្នាំក៏ដោយ៕

សូមទស្សនារូបភាព និងវីដេអូខាងក្រោម៖

ពិធីជប់លៀង
ពិធីជប់លៀង
លោកយាយ Almihan Seyiti
លោកយាយ Almihan Seyiti 
លោកយាយ Almihan Seyiti លេងឧបករណ៍តន្រ្ដី 
អត្ដសញ្ញាណបណ្ណរបស់លោកយាយ Almihan Seyiti 
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ