ភ្នំពេញ៖ កាលពីយប់ ថ្ងៃទី២៦ខែមិថុនា កន្លងទៅនេះ មានហេតុការណ៍ដ៏សែនរន្ធត់មួយ ដែលរថយន្តមួយគ្រឿង មិនស្គាល់អត្តសញ្ញាណ បានបើកបុកអូសម៉ូតូមួយគ្រឿង តាមបណ្តោយផ្លូវ១៤៣កែង៣១០ ស្ថិតក្នុងសង្កាត់បឹងកេងកងទី២ ខណ្ឌបឹងកេងកេង នាវេលាម៉ោងជាង១រំលងអាធ្រាត បានធ្វើឲ្យនារីវ័យក្មេងម្នាក់បានស្លាប់ នៅកន្លែងកើតហេតុភ្លាមៗ និងបុរសម្នាក់រងរបួស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិញករណី គ្រោះថ្នាក់ចរាចរណ៍ខាងលើនេះ ត្រូវបានគេឲ្យដឹងថា នារីវ័យក្មេងដែលបានស្លាប់ នៅកន្លែងកើតហេតុគឺជា តារាហ្វេសប៊ុកដែលមានគរណីឈ្មោះថា«Ah Jruy» ត្រូវបានរថយន្តមួយគ្រឿងនោះ បុកអូសនឹងថ្នល់ ស្លាប់ក្នុងថ្លុកឈាមយ៉ាងគួរឲ្យសង្វែគ ក្នុងខណៈពេលដែលកំពុង ជិះម៉ូតូឌុបដោយបុរសជាសង្សារ ដែលត្រូវបានគេស្គាល់ថាជាកីឡាករបាល់ទាត់ ពេលនេះរងរបួសធ្ងន់ កំពុងបញ្ជូនទៅសង្រ្គោះផងដែរ។
យ៉ាងណាមិញ ក្នុងពេលបច្ចុប្បន្ននេះ ឡានដែលបានបង្ក នៅមិនទាន់បានរកឃើញ និងចូលខ្លួនមកដោះស្រាយ នៅឡើយនោះទេ។ បច្ចុប្បន្ន សមត្ថកិច្ចបាននឹងកំពុងធ្វើការវាស់វែង ស្រាវជ្រាវរកក្រុមគ្រួសារ នឹងបន្តឆែកកាមេរ៉ាសុវត្ថិភាព ដែលនៅក្បែរកន្លែងកើតហេតុ រកឡានបង្កតទៅទៀតផងដែរ៕
ខ្មែរឡូត ក៏សូមចូលរួមសោកស្តាយ ចំពោះគ្រួសារសពផងដែរ៖