សាច់មាន់ដែលមានបាក់តេរី Salmonella អាចធ្វើឱ្យអ្នកបរិភោគឈឺបាន។ អាហារផ្សេងទៀតដែលមានបាក់តេរី E. coli ឬ Norovirus ក៏អាចធ្វើអោយអ្នកឈឺបានដែរ។ ដូច្នេះហេតុអ្វីបានជាមន្ត្រីសុខាភិបាលមិនព្រមានប្រជាជនអំពីការបរិភោគអាហារដែលមានផ្ទុកមេរោគឆ្លងថ្មី?​

មជ្ឈមណ្ឌលគ្រប់គ្រងនិងបង្ការជំងឺរបស់សហរដ្ឋអាមេរិក (CDC) និយាយថា​ វីរុស និងមេរោគភ្ជាប់ទៅនឹងជាលិកា​ដើម្បីបង្កឱ្យមានជំងឺ។ វីរុសផ្លូវដង្ហើមដូចជា COVID-19 ជាធម្មតាភ្ជាប់ទៅនឹងកោសិកានៅកន្លែងដូចជា​សួត​របស់មនុស្ស។

ប៉ុន្តែមេរោគដូចជាnorovirus និងsalmonella អាចរស់បានដោយសារអាស៊ីតដែលមាននៅក្នុងក្រពះ។ បន្ទាប់មកពួកវាបានរួមគ្នាហើយភ្ជាប់ទៅកោសិកាខាងក្នុងសរីរាង្គ។

រូបភាពក្នុងផ្សា

អ្នកជំនាញផ្សេងទៀតកត់សម្គាល់ថាពួកគេកំពុងសិក្សាអំពីមេរោគថ្មីនេះ។ ពួកគេនិយាយថាមិនទាន់មាន​ភ័ស្តុតាង​នៅឡើយទេដែលថាជំងឺកូវិដ១៩ធ្វើអោយមនុស្សឈឺតាមរយៈក្រពះរបស់ពួកគេ។ ទោះជាយ៉ាងណាក៏ដោយវីរុសត្រូវបានគេរកឃើញនៅក្នុងកាកសំណល់របស់មនុស្សដែលឆ្លង។ អ្នកជំនាញនិយាយ​បន្តរទៀតថាហានិភ័យធំបំផុតទាក់ទងនឹងអាហារនិង COVID-១៩ គឺការទាក់ទងជាមួយមនុស្ស និងកម្មករ​ផ្សេងទៀតនៅក្នុងហាងលក់អាហារ។ ឥឡូវនេះហាងកំពុងដាក់កម្រិតទៅលើចំនួនមនុស្សដែល​ពួកគេអនុញ្ញាតឱ្យ​ចូល។ ពួកគេកំពុងស្នើសុំឱ្យអតិថិជនអនុវត្តការឈរឃ្លាតឆ្ងាយពីគ្នា និងប្រើឧបករណ៍ជំនួយដើម្បីសម្គាល់ពី​ចម្ងាយដែលមនុស្សគួរឈរ។

ទិញអាហារ

អ្នកជំនាញCDCកត់សំគាល់ទៀតថា គេមិនដឹងថាតើមេរោគដែលរកឃើញនៅក្នុងកាកសំណល់មនុស្ស​មិនអាចធ្វើ​អោយមនុស្សឈឺបាន រឺទេ។ វេជ្ជបណ្ឌិតStoutបាននិយាយថា មេរោគដែលត្រូវបានគេរកឃើញនៅក្នុងកាកសំណល់​របស់​មនុស្ស​មិនទំនង​ជាសញ្ញានៃសមត្ថភាពរបស់វីរុសក្នុងការរស់រានមានជីវិតនៅក្នុងប្រព័ន្ធរំលាយអាហារនោះទេ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សម្រស់ & សុខភាព និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ