បរទេស៖ នៅខាងក្រៅភពផែនដី ពិភពមហាសមុទ្រនៅក្នុងប្រព័ន្ធព្រះអាទិត្យរបស់យើង កំពុងទាក់ទាញចំណាប់អារម្មណ៍ ពីសំណាកក្រុមតារាវិទូ ដែលថាវាជាចំណុចស្នូលនៃជីវិត។ ការប៉ាន់ស្មាននិងការគណនាថ្មីៗបានបង្ហាញថា មានភពស្រដៀងផែនដីនិងពិភពមហាសមុទ្រជាច្រើន ស្ថិតនៅក្នុងកាឡាក់ស៊ីរបស់យើង ជាងការគិតពីមុន នេះបើយោងតាមការស្រាវជ្រាវថ្មី ដែលបានចេញផ្សាយនៅក្នុងសប្ដាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរហូតមកដល់ពេលនេះ ផែនដីរបស់យើងមានលក្ខណៈពិសេស ដែលអាចទ្រទ្រង់ជីវិត នៅក្នុងចក្រវាលនេះ។ ប៉ុន្តែនាពេលអនាគត បេសកកម្មរបស់អង្គការណាសាត្រូវបានគេកំណត់គោលដៅ សម្រាប់ការធ្វើដំណើរទៅកាន់ពិភពមហាសមុទ្រ ដូចជាព្រះចន្ទ Europa របស់ភពព្រហស្បតិ៍ ដើម្បីចង់ដឹង ថាតើជីវិតអាចកើតមាននៅក្នុងមហាសមុទ្រ ដែលស្ថិតនៅក្រោមសម្បកទឹកកកដែរឬទេ។
ចុះប្រសិនបើប្រព័ន្ធព្រះអាទិត្យមិនមែនជាមជ្ឈមណ្ឌលតែមួយគត់ សម្រាប់ភពទាំងអស់នេះ? ក្រុមតារាវិទូបានរកឃើញភពក្រៅប្រព័ន្ធព្រះអាទិត្យជាង៤,០០០ ក្នុងរយៈពេលប៉ុន្មានឆ្នាំថ្មីៗនេះ។ ហើយពួកវាខ្លះមានទំហំប្រហាក់ប្រហែល នឹងផែនដីរបស់យើងដែរ។
ការរកឃើញភពដែលមានលក្ខណៈស្រដៀងនឹងផែនដីនិងពិភពមហាសមុទ្រ ស្រដៀងប្រព័ន្ធព្រះអាទិត្យ គឺនៅពាសពេញកាឡាក់ស៊ីមីលគីវ៉េ និងអាចធ្វើឲ្យពួកវាក្លាយជាគោលដៅ សម្រាប់តេឡេទស្សន៍នាពេលអនាគត ដូចជាតេឡេទស្សន៍ James Webb Space Telescope របស់អង្គការណាសា ដែលនឹងត្រូវដំណើរការ ក្នុងឆ្នាំ២០២១។ តេឡេទស្សន៍នេះអាចកំណត់លក្ខណៈ របស់ភពក្រៅប្រព័ន្ធព្រះអាទិត្យ តាមរយៈបរិយាកាសរបស់ពួកវា៕