លោក ថោង ខុន រដ្ឋមន្ត្រីក្រសួងទេសចរណ៍នៅថ្ងៃទី១៦ ខែមិថុនានេះ បានដឹកនាំមន្ត្រីពាក់ព័ន្ធបើកកិច្ចប្រជុំមួយនៅព្រះសីហនុ ដើម្បីដាក់ផែនការត្រៀមរៀបចំពិធីបុណ្យសមុទ្រលើកទី៩ ជុំទី៣ នាចុងឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងកិច្ចប្រជុំលោក ថោង ខុន បង្ហើបថា៖ «ក្នុងករណីដែលសភាពការណ៍កូវីដបានធូរស្រាល ហើយរាជរដ្ឋាភិបាលអនុញ្ញាត ក្រសួងទេសចរណ៍គ្រោងកំណត់យកការរៀបចំពិធីបុណ្យសមុទ្រលើកទី៩ នៅខេត្តព្រះសីហនុ នាចុងឆ្នាំ២០២០នេះ ជាយុទ្ធនាការពង្រឹងគុណភាពសេវាកម្មទេសចរណ៍ និងធានាបានសុវត្ថិភាពទេសចរណ៍ ដើម្បីផ្សព្វផ្សាយទៅកាន់ទីផ្សារទេសចរណ៍អន្តរជាតិថា កម្ពុជានៅតែជាគោលដៅទេសចរណ៍មានសុវត្ថិភាព និងមានគុណភាពសេវាកម្មទេសចរណ៍ល្អប្រសើជាងមុន»។
លោករដ្ឋមន្ត្រីបានស្នើដល់រដ្ឋបាលខេត្តព្រះសីហនុ ត្រូវរៀបចំឱ្យបាននូវបង្គន់អនាម័យសាធារណៈឱ្យបានច្រើនកន្លែង និងមានស្ដង់ដាត្រឹមត្រូវ ដើម្បីដាក់បម្រើជូនភ្ញៀវទេសចរដែលមកទស្សនានៅខេត្តព្រះសីហនុ។
គួរបញ្ជាក់ថា ថ្នាក់ដឹកនាំកំពុងពិចារណា ២ទីតាំងដើម្បីរៀបចំបុណ្យសមុទ្រ ទីតាំងទី១គឺនៅបរិវេណរង្វង់មូលព្រះថោងនាងនាគ និងមួយទីតាំងទៀតនៅឆ្នេរពយជំទាវម៉ៅ ដែលនៅជិតដើមឈើចាំស្នេហ៍៕