ថៃ៖ តារាសម្ដែងបែបយុវវ័យ Kris Phirawat ដែលមានភាពល្បីល្បាញខ្លាំងតាមរយៈការសម្ដែងរឿងភាគខ្លី SOTUS The Series ជាប្រភេទរឿងបែបប្រុសស្រឡាញ់ប្រុស នៅពេលនេះកំពុងទទួលរងការរិះគន់យ៉ាងខ្លាំងពីសំណាក់មជ្ឈដ្ឋានអ្នកប្រើប្រាស់អ៊ិនធឺណិត រហូតដល់ថ្នាក់ប្រធានបទនៃការរិះគន់លោកនេះ ឡើងជាប់លំដាប់ភាពនិយមនៅលើបណ្ដាញសង្គម Twitter (Twitter Trend) ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមូលហេតុដើមឡើយ Kris Phirawat កំពុងធ្វើការ Live ស្រាប់តែមានខមមិនមួយចោទសួរលោកថា តើលោកជាហ្គេយ៍ស្រឡាញ់ភេទដូចគ្នាមែនទេ? ស្រាប់តែ Kris ឆ្លើយតបមកវិញថា ហ្គេយ៍ឪហ្អែង? ការឆ្លើយតបបែបអសីលធម៌បែបនេះ បានធ្វើឲ្យ Kris ទទួលរងការរិះគន់យ៉ាងចាស់ដៃពីសំណាក់អ្នកលេងអ៊ិនធឺណិត ព្រោះការឆ្លើយបែបនេះ ហាក់បីដូចជាបង្ហាញថា Kris ស្អប់ខ្ពើមនឹងពួកហ្គេយ៍ស្រឡាញ់ភេទដូចគ្នាណាស់ ទាំងដែលខ្លួនឯងធ្លាប់សម្ដែងក្នុងរឿងជាតួអង្គហ្គេយ៍ផងនោះ។
ប៉ុន្តែអ្នកខ្លះទៀត ក៏បាននាំគ្នាជួយការពារ Kris ដោយបានវាយបកទៅកាន់អ្នកខមមិនសួរនោះវិញថា ការសួរសំណួរបែបនេះ គឺប្រៀបបីដូចជាចង់ដឹងរឿងឯកជនរបស់គេជ្រុល ប្រៀបបាននឹងមនុស្សអត់មារយាទ។
ដើម្បីបញ្ចប់រាល់ការរិះគន់ទាំងឡាយ Kris Phirawat បានចេញមុខសុំទោសជាសាធារណៈហើយ ដោយលោកបានអះអាងថា លោកគ្មានបំណងស្អប់ខ្ពើមពួកហ្គេយ៍ ឬរើសអើងអ្វីនោះឡើយ ការដែលលោកឆ្លើយបែបនោះ ក៏ដោយសារតែលោកមិនបានគិតគូរឲ្យល្អិតល្អន់ ហើយជ្រុលមាត់មួយភ្លែត។ លោកពិតជាសោកស្ដាយនឹងកំហុសមួយនេះណាស់៕
សូមទស្សនារូបភាពខាងក្រោម៖
ប្រភព៖ Daradaily