យល់ដឹង៖ តាមការស្រាវជ្រាវ បានបង្ហាញឲ្យឃើញថា មានមនុស្សច្រើនជាង៩០ភាគរយទៅហើយ ដែលកំពុងជួបនឹងបញ្ហាមុន នៅលើផ្ទៃមុខជាដែលទុក្ខកង្វល់ ដ៏ធំមួយមិនថាមនុស្សប្រុស ឬមនុស្សស្រីនោះទេ គឺសុទ្ធសឹងតែមាននៅ ការព្រួយបារម្ភខ្លាំង ព្រោះវាជាហេតុដែលធ្វើឲ្យយើង បាត់បង់នៅទំនុកចិត្ត និងភាពជឿជាក់ លើខ្លួនឯងបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជារួមគេសង្កេតឃើញថា ភាគច្រើននៃមុនគឺ កើតឡើងនៅលើច្រមុះ និងថ្ពាល់ច្រើនជាងគេបង្អស់។ ហើយប្រភេទមុនដែល មនុស្សភាគច្រើនតែងតែ ជួបប្រទះនោះគឺមុនម្យ៉ាង ដែលគេហៅថាមុនក្បាលខ្មៅ ដែលមុនប្រភេទនេះ ច្រើនតែកើតឡើងលើអ្នកដែលមានស្បែកមុខ មានជាតិខ្លាញ់ច្រើន។ ហើយទីតាំងដែលវា ឧស្សាហ៍កើតមានឡើង បំផុតនោះគឺនៅលើច្រមុះ។ ក៏ព្រោះតែច្រមុះ ជាតំបន់មួយដែល សម្បូរទៅដោយជាតិខ្លាញ់ច្រើនជាង តំបន់ផ្សេងៗទៀត នៅលើផ្ទៃមុខរបស់មនុស្សយើង។
តែពេលខ្លះវាក៏អាច បណ្តាលមកពី កត្តាផ្សេងៗទៀតដែរដូចជា ហ្ស៊ែន សកម្មភាពប្រចាំថ្ងៃដែល អ្នកមិនបានចាប់អារម្មណ៍ របបអាហារមិនត្រឹមត្រូវ ដូចជាហិរពេក ប្រៃពេក និងកម្រិតជាតិស្ករច្រើនពេក ក្នុងរាងកាយក៏អាចបង្កទៅជា ការកើតមុនបានដែរ។
* ដូច្នេះវិធីងាយៗ ដើម្បីព្យាបាលមុន នៅលើច្រមុះនិង ផ្ទៃមុខនោះមានដូចជា៖
១. ប្រសិនបើជាមុនក្បាលខ្មៅ អាចប្រើឧបករណ៍ ដើម្បីញេចគ្រាប់របស់វាចេញ ឬទៅជួបអ្នកជំនាញ ចៀសវាងការញេចនឹងដៃ ព្រោះវាអាចធ្វើឲ្យរន្ធញើសរីកធំបាន។
២. ធ្វើការលាងសម្អាតផ្ទៃមុខ២ដង ក្នុងមួយថ្ងៃជាមួយFoam ដែលគ្មានជាតិកាត់ខ្លាំង ធ្វើឲ្យប៉ះពាល់ ស្បែកមុខប្រែជាស្តើង ឡើងក្រហមជាដើម។
៣. ប្រើប្រាស់Toner ជូតសម្អាតធូលីកង្វក់ ជាតិខ្លាញ់ ឬគ្រឿងសម្អាង ចេញឲ្យអស់ពីលើផ្ទៃមុខ។
៤. ប្រើប្រាស់ម៉ាស បិទមុខ១ដង ទៅ២ដង ក្នុងមួយសប្តាហ៍។
៥. ការពារស្បែកមុខ ជាមួយនឹងSunscreen ជាប្រចាំ។
៦. ប្រើប្រាស់ផលិតផល ដែលត្រូវជាមួយប្រភេទ ស្បែកមុខរបស់យើង។
៧. ហាមប្រើក្រណាត់មិនស្អាត មកជូតឬ ប៉ះពាល់ផ្ទៃមុខ។
យ៉ាងណាមិញ ខាងលើនេះគ្រាន់តែជា ចំណេះដឹងចែករំលែកខ្លះៗ ដែលបងប្អូនអាចយកទៅអនុវត្តន៍ បានដើម្បីកាត់បន្ថយមុន នៅច្រមុះនិងផ្ទៃមុខ។ ក៏ប៉ុន្តែសម្រាប់អ្នកដែលមាន បញ្ហាមុនធ្ងន់ធ្ងរគួរតែចំណាយពេល ទៅពិគ្រោះជាមួយអ្នកជំនាញ បន្ថែមទៀត ជៀសវាងទុកយូរ ធ្វើបញ្ហាផ្ទៃមុខកាន់តែធ្ងន់ធ្ងរ ថែមទៀតផងដែរ៕