«ទុរេននៅក្នុងស្រុកស្ទឹងត្រង់ ខេត្តកំពង់ចាមមានរសជាតិឆ្ងាញ់ មិនចាញ់ទុរេននៅខេត្តកំពតឡើយ ខណៈដែល​អ្នក​ចូលចិត្តបរិភោគទុរេនតែងតែនាំគ្នាទិញបរិភោគជារៀងរាល់ថ្ងៃ»។ នេះជាអ្វីដែលអ្នកលក់ទុរេននៅកំពង់ចាមអះអាង។

តាមព័ត៌មានពីម្ចាស់ចម្ការទុរេនម្នាក់ នៅក្នុងស្រុកស្ទឹងត្រង់ ខេត្តកំពង់ចាម បានអះអាងថា ទុរេននៅក្នុង​ស្រុកស្ទឹង​ត្រង់នេះ មានសាច់លឿងរសជាតិផ្អែមឆ្ងាញ់ជក់មាត់ មិនចាញ់រសជាតិទុរេនកំពតឡើយ។ ម្ចាស់ចំការរូបនេះបញ្ជាក់ទៀតថា ដោយសាររសជាតិផ្អែមឆ្ងាញ់ ដាំដុះតាមបែបធម្មជាតិដោយមិនប្រើជាតិគីមីផងនោះ ធ្វើឲ្យអតិថិជន ក៏ដូចជាម៉ូយតែងតែមកទិញដល់ទីតាំងចំការ ក្នុងមួយថ្ងៃៗជាងមួយរយគីឡូក្រាម ហើយលក់បាន​ក្នុងតម្លៃចន្លោះពី ១៨,០០០រៀលទៅ ២៥,០០០រៀល ក្នុង១គីឡូក្រាម។

ទុរេននៅស្រុកស្ទឹងត្រង់

លោក បាន ស្រេង អភិបាលរងស្រុកស្ទឹងត្រង់ បានមានប្រសាសន៍ថា មូលហេតុដែលធ្វើអោយទុរេននៅតំបន់នេះ​មានរសជាតិឆ្ងាញ់គឺដោយសារកត្តារួមផ្សំពីធម្មជាតិ ទង្វើរបស់អ្នកដាំដុះផ្ទាល់ ពិសេសទីតាំងភូមិសាស្ត្រ និងអាកាស​ធាតុអំណោយផល ព្រមទាំងស្ថានភាពដីមានជីជាតិល្អសម្រាប់ដំណាំទុរេន។

សូមបញ្ជាក់ថា បច្ចុប្បន្នកសិករនៅឃុំសសរជ្រៃ ឃុំអរក្សត្នោត ឃុំខ្នងក្តារអូម្លូ ស្រុកស្ទឹងត្រង់ ខេត្តកំពង់ចាម មាន​ជាង៥០​គ្រួសារបានប្រកបអាជីវកម្មដាំដុះដំណាំទុរេនលើផ្ទៃដីប្រមាណជាង៣០០ហិកតា មានពូជឳខាក់ និងម៉ានថង ៕

ទុរេននៅស្រុកស្ទឹងត្រង់
ទុរេននៅស្រុកស្ទឹងត្រង់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ