ឥណ្ឌូនេស៊ី៖ កោះបាលី គឺជាតំបន់ទេសចរមួយដ៏មានភាពស្រស់ស្អាតមួយក្នុងចំណោមតំបន់ទេសចរផ្សេងៗទៀតនៅលើពិភពលោកនិង ជាទិសដៅមួយរបស់អ្នកដែលចូលចិត្តដំណើរកម្សាន្តគ្រប់ៗរូបផងដែរ។

ជាការពិត កន្លែងរមណីយដ្ឋានមួយនេះគឺជាកោះដែលមានភ្នំភ្លើង វាលស្រែ ឆ្នេរសមុទ្រនិងថ្មប៉ប្រះទឹកផ្កាថ្មដែលធ្វើឲ្យកោះមួយនេះមានសភាពស្រស់ស្អាតល្អ ដែលធ្វើឲ្យអ្នកទេសចរជាច្រើនមិនអាចដកចិត្តចេញពីទីកន្លែងដ៏ត្រចះត្រចង់មួយនេះ។ ប៉ុន្តែទន្ទឹមនឹងភាពស្រស់ស្អាតរបស់កោះមួយនេះ អាចបង្កជាបញ្ហាវិញបានប្រសិនបើអ្នកមិនដឹងពីរបៀបរបបដែលអ្នកគួរធ្វើឬមិនធ្វើនៅលើកោះមួយនេះ។

ដោយឡែក ថ្ងៃនេះ សូមបង្វែរអារម្មណ៍ទស្សនិកជន មកដឹងអំពីអ្វីដែលយើងមិនគួរធ្វើនៅលើកោះបាលី ដើម្បីការធ្វើដំណើរដោយសេចក្តីសុខនិង បង្ការគ្រោះថ្នាក់ផ្សេងៗជាយថាហេតុជាដើម។

តោះចូលទៅមើលថាតើអ្វីដែលយើងគួរធ្វើឬ មិនគួរធ្វើនៅលើកោះបាលី៖

១.មិនគួរជិះក្តារស្គីនៅតាមទឹករលកឡើយ

ភាគច្រើនឆ្នេរនៅកោះបាលី គឺមិនសូវមានអ្នកឃ្លាំមើលភ្ញៀវឡើយនិង ភាគច្រើនមានស្លាកសញ្ញាហាមឃាត់ ដើម្បីជៀសវាងគ្រោះថ្នាក់ សូមកុំព្យាយាមធ្វើបែបនេះនៅលើកោះមួយនេះអី។

រូបតំណាង

២.ហាមញញឹមដាក់សត្វព្រៃ

ការដែលអ្នកញញឺមចេញធ្មេញដាក់សត្វព្រៃ វាអាចវាយប្រហារអ្នកតែម្តងដោយសារដែលជាសញ្ញានៃការគម្រាមដល់ពួកវាផងដែរ ជាពិសេសគឺឥវ៉ាន់ផ្សេងៗ គឺត្រូវតែប្រយ័ត្នជាមួយនឹងសត្វស្វា ដោយសារពួកវាចូលចិត្តឆក់លួចរបស់ភ្ញៀវខ្លាំងណាស់ នៅពេលដែលវាទាញយកទៅហើយ ប្រសិនជារបស់មិនចាំបាច់ សូមកុំទាញយកវិញអី ព្រោះថាវាអាចវាយប្រហារវិញ ដែលវាក៏ភ្នាក់ងារមួយដែលចម្លងជំងឺឆ្កែឆ្កួត(ប្រសិនជាវាផ្ទុកជំងឺស្រាប់)។

រូបតំណាង

៣.កុំព្យាយាមសម្ញែងទ្រព្យសម្បត្តិឬ របស់ដែលមានតម្លៃ

បទល្មើសផ្សេងៗ អាចនឹងកើតមានឡើង ប្រសិនអ្នកព្យាយាមបង្អួតទ្រព្យសម្បត្តិ ទៅកាន់ទីសាធារណៈណាមួយ ដូច្នេះ ធ្វើខ្លួនធម្មតាៗ សាមញ្ញៗ ប្រសើរជាង ។

រូបតំណាង

៤.ហាមចេញទៅក្រៅតែម្នាក់ឯងនៅពេលយប់

ហាមដាច់ខាតដើរតែម្នាក់ឯងនៅពេលយប់ ដោយសារតែកន្លងមកធ្លាប់បទល្មើសកើតឡើងគួរសមផងដែរនៅលើកោះមួយនេះ។

រូបតំណាង

៥. ហាមនិយាយលឺៗអំពីគម្រោងដែលយើងត្រូវទៅ

ការធ្វើរបៀបនេះ អាចបង្ហាញឲ្យអ្នកផ្សេងដែលនៅជិតបានដឹង ដែលវាអាចបង្កគ្រោះថ្នាក់បាន ព្រោះថា អ្នកមិនថាគេមានបំណងល្អឬអាក្រក់ឡើយ​ រឹតតែត្រូវតែមិនឲ្យនរណាដែលអ្នកមិនស្គាល់ដឹងពីកន្លែងដែលអ្នកស្នាក់នៅឡើយ។

រូបតំណាង

៦.ហាមសេពគ្រឿងស្រវឹងក្រោមអាយុ២១ឆ្នាំ

វាអាចបង្កបញ្ហាដល់ អ្នកបានប្រសិនជាអ្នក មិនទាន់គ្រប់អាយុដែលសេពគ្រឿងស្រវឹងបាន រីឯការពិសារបារីវិញត្រូវពិនិត្យមើលកន្លែងណាមានសញ្ញាហាមឃាត់ផងដែរ ជៀសវាងទទួលរងការផាកពិន័យ។

រូបតំណាង

៧.គូរសង្សារ ដែលមិនទាន់រៀបការជាមួយគ្នាមិនអាចស្នាក់បន្ទប់ជាមួយគ្នាបានឡើយ

គូរស្នេហ៍ដែលរួមភេទជាមួយគ្នាឬ គេងបន្ទប់តែមួយ ដោយមិនទាន់បានរៀបការជាមួយគ្នា គឺចាត់ទុកជាអំពីខុសច្បាប់ដោយត្រូវតែជាប់ពន្ធនាគារផងដែរ។

រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ