ថៃ៖ ស្ត្រីប្តូរភេទម្នាក់ត្រូវបានចាប់ខ្លួននៅទីក្រុងបាងកកពីបទចាក់សម្លាប់មិត្តប្រុសរបស់នាងរហូតដល់ស្លាប់នៅស្រុក Muang ខេត្ត Khon Kaen ។ ​មន្រ្តីប៉ូលីសបានប្រាប់អ្នកយកព័ត៌មាននៅព្រឹកថ្ងៃព្រហស្បតិ៍ ទី១១ នេះថា មន្រ្តីមកពីអង្គភាពបង្ក្រាបបទឧក្រិដ្ឋ និងប៉ុស្តិ៍នគរបាលស្រុក Muang ខេត្ត Khon Kaen បានចាប់ខ្លួន Thanphicha Rodnongkheng នៅផ្ទះជួលក្បែរវិមានជ័យជម្នះក្នុងទីក្រុងបាងកកនៅយប់ថ្ងៃពុធ។

Thanphicha ហៅ “ Mind” ដែលមានអាយុ ២៨ ឆ្នាំត្រូវបានតុលាការស្រុកខនកែនចេញដីកាចាប់ខ្លួនពីបទរំលោភលើមនុស្សម្នាក់ទៀតដែលឈានដល់ការស្លាប់។

មិត្តប្រុសរបស់ Thanphicha ឈ្មោះ Manop Amthao អាយុ ២៧ ឆ្នាំត្រូវបានគេប្រទះឃើញស្លាប់ដោយមានស្នាមរបួសដោយចាក់នៅក្នុងបន្ទប់ជួលរបស់ពួកគេនៅលើផ្លូវផូណានក្នុងស្រុក ខនកែនកាលពីថ្ងៃទី ២៨ ខែឧសភា។

ក្រុមអ្នកស៊ើបអង្កេតប៉ូលីសបានសន្និដ្ឋានថា មិត្តស្រីឆ្លងដែនដែលបាត់ខ្លួនរបស់ជនរងគ្រោះគឺជាជនសង្ស័យដំបូងគេ ហើយទទួលបានដីកាចាប់ខ្លួនពីតុលាការ។ ក្នុងអំឡុងពេលសួរចម្លើយជនសង្ស័យបានបដិសេធថាមិនមានការពាក់ព័ន្ធទេ តែនាងត្រូវបានឃុំខ្លួននៅខុនកែន ព្រោះប៉ូលីសកំពុងបន្តក្នុងការស៊ើបអង្កេត៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ