ប៉ាគីស្ថាន៖ ក្មេងស្រីអាយុ ៨ឆ្នាំម្នាក់ ត្រូវម្ចាស់សេកធ្វើទារុណកម្មរហូតដល់ស្លាប់ បន្ទាប់ពីនាងបានដោះ​លែង​សត្វ​សេក​ដែលមានតម្លៃថ្លៃពីទ្រុងដោយចៃដន្យ។

Zohra Shah ជាពលករធ្វើការតាមផ្ទះដែលគ្មានប្រាក់ខែ ត្រូវគេវាយរហូតដល់ស្លាប់នៅ Rawalpindi ដែលជា​ទីក្រុងធំទីបួនរបស់ប៉ាគីស្ថាន។ រឿងនេះបានធ្វើឱ្យមានការជជែកវែកញែកនៅលើធ្វីតធ័រកាលពីថ្ងៃពុធ ដែលមនុស្សជា​ច្រើនរួមទាំងអ្នកនយោបាយបានទាមទាររកយុត្តិធម៌ឲ្យក្មេងស្រីនេះ។

ក្រោយការចោទប្រកាន់ថាមានគេប្រព្រឹត្តអំពើហឹង្សាលើក្មេងស្រីខាងលើ ម្ចាស់ផ្ទះដែលនាងធ្វើការឲ្យបាននាំនាង​ទៅមន្ទីរពេទ្យ ហើយក្រោយមកបុគ្គលិកពេទ្យបានបញ្ជាក់ពីសញ្ញានៃការធ្វើទារុណកម្ម។ ប៉ូលីសបាននិយាយកាលពីថ្ងៃច័ន្ទថា ពួកគេទទួលបានព័ត៌មានថា Zohra បានស្លាប់ដោយសារការរងរបួសធ្ងន់ បើទោះបីជាទទួលការព្យាបាលនៅមន្ទីរពេទ្យដ៏ល្បីឈ្មោះ គឺ Begum Akhtar Rukhsana Memorial នៃទីក្រុងក៏ដោយ។

ក្មេងស្រីរងគ្រោះ

កាលពីថ្ងៃច័ន្ទបុរសម្នាក់ដែលជាម្ចាស់សេកបានសារភាពប្រាប់ប៉ូលីសថា ប្រពន្ធរបស់គាត់បានវាយ Zohra ដោយសារ​តែ​នាងបានលែងសត្វសេកដែលជាសត្វចិញ្ចឹមរបស់ខ្លួន។ តាមការបញ្ជាក់ពីសមត្ថកិច្ច ក្មេងស្រី Zohra មកពី Muzaffargarh ជាស្រុកមួយនៅភាគខាងត្បូងរដ្ឋ Punjab ចម្ងាយប្រហែល ៥៨០ គីឡូម៉ែត្រពីរដ្ឋធានី​អ៊ីស្លាម៉ាបាដ។ គួររំឭកថា កាលពី ៤ ខែមុន លោកហ្សូរ៉ាបានទៅធ្វើការតាមផ្ទះឲ្យគ្រួសាររបស់​លោក Hasan Siddiqui និងភរិយាឈ្មោះ Umm Kulsoom ។

កន្លងមកក្រុមគ្រួសារជនរងគ្រោះ បានបញ្ជូនកូនស្រីទៅរស់នៅ និងធ្វើការឱ្យគេ ដោយសង្ឃឹមថា នាងនឹងទទួល​បានការអប់រំល្អជាងមុន។

ប៉ូលីស Mukhtar Ahmed ដែលបានស៊ើបអង្កេត​ករណីនេះបានប្រាប់កាសែត The National ថា៖ “ យើងបានចាប់ខ្លួនប្តីប្រពន្ធនេះហើយ ពួកគេបានសារភាពពីបទឧក្រិដ្ឋរបស់ពួកគេ ហើយត្រូវ​បានបញ្ជូនរឿង​ក្តីបន្តទៅស្រុកកំណើតរយៈពេល ៤ ថ្ងៃរហូតដល់ថ្ងៃទី ៦ ខែមិថុនា” ។

លោកបន្តថា៖ "Siddiqui បានទាត់ក្មេងស្រីនោះ ចំប្រដាប់ភេទរបស់នាង ហើយមានស្នាមជាំនៅលើដងខ្លួនទាំងមូល និងមានហូរឈាមទៀតផង" ។

រដ្ឋមន្រ្តីសិទ្ធិមនុស្សរបស់ប្រទេសប៉ាគីស្ថាន លោកស្រី Shireen Mazari បាន​សរសេរ​នៅលើបណ្តាញសង្គម Twitter ថាក្រសួងរបស់លោកស្រីបានទាក់ទងជាមួយប៉ូលីស។ ហើយខ្លួនក៏​កំពុង​តាមដានករណីនេះ និងស្នើ​សុំធ្វើកំណែទម្រង់ច្បាប់ការងារក្នុងស្រុកផងដែរ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ