កេនយ៉ា៖ ក្មេងប្រុសជនជាតិកេនយ៉ាអាយុ ឆ្នាំម្នាក់ ទើបទទួលបានពានរង្វាន់ពីប្រធានាធិបតីកាលពីពេលថ្មីៗនេះ ចំពោះការបង្កើតម៉ាស៊ីនលាងដៃធ្វើពីឈើ ដើម្បីជួយទប់ស្កាត់ការរីករាលដាលវីរុសកូរ៉ូណា។

ក្មេងប្រុសរូបនោះមានឈ្មោះថា Stephen Wamukota ដែលរូបគេ និងគ្រួសារស់នៅភូមិ Mukwa ក្នុងទីក្រុង Bungoma ភាគខាងលិចប្រទេសកេនយ៉ា។ Stephen ពិតជាសប្បាយចិត្ដយ៉ាងខ្លាំង សម្រាប់ពានរង្វាន់លើកទឹកចិត្ដនោះ ហើយរូបគេក៏កំពុងចង់ផលិតម៉ាស៊ីនលាងដៃបន្ថែមទៀតផងដែរ ខណៈពេលឥឡូវនេះ មានចំនួនហើយ។

ចំពោះម៉ាស៊ីនកែច្នៃនេះ អ្នកប្រើប្រាស់អាចចុចទឹក និងសាប៊ូដោយប្រើឈ្នាន់ជើង ជំនួសការចុចផ្ទាល់ដៃដើម្បីកាត់បន្ថយការឆ្លងវីរុស។ ហើយជុំវិញគំនិតច្នៃប្រឌិតនេះ Stephen ទទួលបានតាមរយៈការទស្សនាទូរទស្សន៍អំពីវិធីការពារវីរុស។ យ៉ាងណាមិញ កាលពីថ្ងៃចន្ទកន្លងទៅនេះ Stephen បានក្លាយជាបេក្ខជនមួយរូបក្នុងចំណោមប្រជាជនកេនយ៉ាចំនួន៦៨នាក់ ដែលទទួលបានពានរង្វាន់ពីប្រធានាធិបតីក្នុងនាមជាអ្នកស្នេហាជាតិ។

បើតាមលោក James Wamukota ដែលត្រូវជាឪពុករបស់ Stephen និងមានជំនាញជួសជុលគ្រឿងអេឡិចត្រូនិកបាននិយាយថា កូនប្រុសលោកចង់ក្លាយជាវិស្វករនៅពេលគេធំឡើង ហើយអភិបាលខេត្ដក៏បានសន្យាថានឹងផ្ដល់អាហាររូបករណ៍ដល់គេផងដែរ៕

សូមទស្សនារូបភាពខាងក្រោម៖

ម៉ាស៊ីនលាងដៃ
ម៉ាស៊ីនលាងដៃ
ម៉ាស៊ីនលាងដៃ
ម៉ាស៊ីនលាងដៃ
ម៉ាស៊ីនលាងដៃ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ