បរទេស៖ បេសកកម្មលើកដំបូងរបស់ប្រទេសចិនទៅកាន់ភពព្រះអង្គារត្រូវបានគេរំពឹងថា នឹងត្រូវចាប់ផ្តើមក្នុងពេលដំណាលគ្នា ជាមួយនឹងសហរដ្ឋអាមេរិក ដែលត្រៀមបញ្ជូនយានស្រាវជ្រាវរបស់ខ្លួនទៅកាន់ភពនោះដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយាន Tianwen-1 របស់ចិននឹងត្រូវបញ្ជូនទៅកាន់ភពក្រហម(ភពអង្គារ) តាមរយៈរ៉ុក្កែត Long March ៥ នៅកំឡុងខែកក្កដាឬសីហា ដោយរំពឹងថា វានឹងទៅដល់ទីនោះនៅខែកុម្ភៈ ហើយបន្ទាប់មកយានរបស់ចិននេះ នឹងត្រូវទម្លាក់លើផ្ទៃភពអង្គារ ដើម្បីធ្វើការស្រាវជ្រាវរប្រភពទឹក និងទឹកកក ដ៏ដូចជាសិក្សាពីបរិយាកាសនិងដីនៅទីនោះ រយៈពេល ៩០ ថ្ងៃនៃភពអង្គារ ឬប្រហែល ៣ ខែនៃភពផែនដី។
ដោយឡែក សំរាប់បេសកកម្មរបស់ទីភ្នាក់ងារអវកាសអាមេរិកណាសា ក៏គ្រោងនឹងបញ្ជូនយានរុករកឡើងទៅភពអង្គារដែរ ដោយចេញដំណើរនៅថ្ងៃទី ១៧ ខែកក្កដា នឹងទៅដល់ទីនោះនៅថ្ងៃទី ១៨ ខែកុម្ភៈ ដោយក្នុងនោះយាន Perseverance របស់អង្គការណាសា នឹងចាប់ផ្តើមស្វែងរកសញ្ញានៃជីវិត ក៏ដូចជាប្រមូលសំណាកផ្សេងៗពីផ្ទៃភពអង្គារ នឹងត្រៀមនាំយកត្រឡប់មកកាន់ផែនដីវិញ តាមរយៈបេសកម្មនាពេលក្រោយ។ ហើយយាន Perseverance នេះទៀតសោធន៍ គឺនឹងត្រូវចំណាយពេលមួយឆ្នាំនៃភពអង្គារ ឬ ៦៨៧ ថ្ងៃនៃភពផែនដី សំរាប់បេសកកម្មសិក្សានៅទីនោះ។
គួរជម្រាបផងដែរថា សំរាប់ការកំណត់យកពេលវេលានេះ គឺមិនមែនជារឿងចៃដន្យនោះរវាងប្រទេសទាំងពីរនោះទេ ព្រោះនៅពេលខាងមុខនេះ ភពផែនដីនិងភពអង្គារ នឹងធ្វើដំណើរស្ថិតមកដល់ចំណុចជិតគ្នាបំផុត ដែលវាជាឱកាសសំរាប់យានអវកាស អាចធ្វើដំណើរទៅដល់ភពអង្គារបានលឿន និងសន្សំសំចៃឥន្ធនៈ។ ហើយចំពោះទីតាំងរវាងភពផែនដីនិងភពអង្គារ ដែលស្ថិតនៅចំណុចគ្នាបំផុតបែបនេះ គឺកើតឡើងរាល់ ២៦ ខែម្តងប៉ុណ្ណោះ៕