កូរ៉េខាងត្បូង៖ បន្ទាប់ពីការចេញនូវ MV ថ្មី " More & More” របស់ TWICE ធ្វើឱ្យវិចិត្រករអាមេរិកម្នាក់ដែលមានឈ្មោះថា Davis McCarty បាននិយាយនៅលើបណ្តាញសង្គម បន្ទាប់ពីបានកត់ សម្គាល់ថាឈុតមួយនៅក្នុង MV បានចំលងនូវស្នាដៃសិល្បៈរបស់ខ្លួនគឺ "Pulse Portal"។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDavis McCarty បានសរសេរថា "ក្រុម K-Pop របស់កូរ៉េ TWICE បានចំលងនូវស្នាដៃសិល្បៈរបស់ខ្លួនគឺ Pulse Portal ហើយបង្កើតជាគំរូចម្លងសម្រាប់វីដេអូចម្រៀងរបស់ពួកគេដែលនេះជាការរំលោភបំពានច្បាប់កម្មសិទ្ឋិបញ្ញា។ គូរបញ្ជាក់ថា “ More & More” មានអ្នកមើល ១៥ លានដងចាប់តាំងពីការបង្ហោះនៅលើយូធូប នេះជាការរំលោភបំពានច្បាប់រក្សាសិទ្ធិ។
ខាងក្រោមនេះគឺជាស្នាដៃសិល្បៈ "Pulse Portal" របស់ Davis McCarty ដែលដាក់បង្ហាញនៅទីក្រុង Baltimore ចាប់ពីខែមេសា ឆ្នាំ ២០១៨ ។
បន្ទាប់ពី Davis McCarty បានលុបចោលការបង្ហោះសារ របស់លោកដោយនិយាយអំពី MV របស់ក្រុមTWICE ។ នៅថ្ងៃទី៣ ខែមិថុនា តំណាងរបស់ផលិតកម្ម JYP បានចេញសេចក្តីប្រកាសព័ត៌មានជាផ្លូវការទាក់ទងនឹងបញ្ហានេះដូចតទៅ៖
“ នៅព្រឹកនេះយើងបានរកឃើញស្នាដៃសិល្បៈដែលមាននៅក្នុងឈុតមួយរបស់ “ More & More” មានលក្ខណៈប្រហាក់ប្រហែលនឹងសិល្បៈមួយផ្សេងទៀតដែលមានស្រាប់ ហើយយើងបានស្នើសុំឱ្យក្រុមហ៊ុនផលិតកម្មមកធ្វើការដោះស្រាយគ្នាជាមួយសិល្បករដើម។ JYP មានគម្រោងរៀបចំប្រព័ន្ធការពារដើម្បីធានាថា បញ្ហាបែបនេះមិនកើតឡើងម្តងទៀតទេ៕