ថាកូនស្រីស្អាតទៅហើយ! តែបើមើលសម្រស់កូនប្រុស កែវ កល្យាណ វ័យទើប១៣ឆ្នាំ ក៏សង្ហាមិនណយដែរ

ភ្នំពេញ៖ ប្រិយមិត្តច្បាស់ជាធ្លាប់បានស្គាល់ តារាអតីតសម្ដែងជើងចាស់ អ្នកនាង កែវ កល្យាណ ដែលជាតារាសម្ដែងមួយរូបដ៏មានប្រជាប្រិយភាព និងទទួលបានការគាំទ្រពីទស្សនិកជនជាច្រើន ពីរូបសម្រស់ ព្រមទាំងសមត្ថភាពទេពកោសល្យដ៏ល្អរបស់នាង ផងដែរ។

ដោយឡែក បើទោះបីជា បច្ចុប្បន្ននេះអ្នកនាង ហាក់ឃ្លាតឆ្ងាយពីវិស័យសិល្បៈក៏ដោយ តែហ្វេនៗជាច្រើន នៅតែមានក្ដីនឹករឭក ក៏ដូចជាការគាំទ្រចំពោះនាង ជានិច្ច។ មិនត្រឹមតែប៉ុណ្ណោះ នាងថែមទាំងបានបង្ហាញពីជីវិតនៅក្នុងក្រុមគ្រួសារយ៉ាងមានសេចក្ដីសុខ ប្រកបដោយភាពរីករាយ ជូនដល់ហ្វេនៗបានទស្សនាថែមទៀតផង។

លើសពីនេះទៅទៀត កាលពីពេលថ្មីៗនេះ អ្នកនាង កែវ កល្យាណ បានបង្ហោះរូបភាពប៉ុន្មានសន្លឹក នៅលើបណ្ដាញសង្គមហ្វេសប៊ុក ដែលបានបង្ហាញពីមុខមាត់កូនប្រុសរបស់ខ្លួន នៅក្នុងថ្ងៃកំណើត គម្រប់ ១៣ ​ឆ្នាំ ដែលបានធ្វើឲ្យហ្វេនជាច្រើន មានការចាប់អារម្មណ៍យ៉ាងខ្លាំង ចំពោះរូបសម្រស់កូនប្រុសរបស់អ្នកនាង ថ្វីត្បិតតែនៅក្មេងក៏ពិតមែន តែដែលមើលទៅមុខមាត់កូនប្រុសរបស់អ្នកនាង ពិតជាមានភាពស្រស់សង្ហា មានភាពទាក់ទាញ យ៉ាងខ្លាំង ផងដែរ៕

សូមទស្សនារូបភាពខាងក្រោម៖