កម្សាន្ត៖ មនុស្សយើងម្នាក់ៗ មានផ្នត់គំនិតនិងគោលការណ៍ ប្រកាន់ខ្ជាប់ទៅលើទំនាក់ទំនងសេ្នហា តាមបែបផ្សេងៗពីគ្នា អ្នកខ្លះនៅពេលដែលចាប់ផ្តើម មានទំនាក់ទំនងស្នេហា ជាមួយនរណាម្នាក់ហើយ ចូលចិត្តបើកបង្ហាញជាសាធារណៈ ឲ្យគេបានដឹង ក៏ប៉ុន្តែអ្នកមួយចំនួនទៀត ចូលចិត្តការទាក់ទងគ្នាតាមបែបស្ងាត់ៗ រហូតដល់ថ្ងៃពិសេស ទើបបង្ហាញមុខជាសាធារណៈតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចុះសម្រាប់អ្នក រវាងទំនាក់ទំនងតាមបែបបើកចំហ ឬស្ងាត់ៗដល់ថ្ងៃពិសេសទើបបើកបង្ហាញ តើចូលចិត្តទំនាក់ទំនងប្រភេទមួយណាជាង?
ជាការពិត រាល់ទំនាក់ទំនងទាំងអស់ មិនថាបើកចំហ ឬស្ងាត់ៗ នោះទេគឺសុទ្ធតែមាននៅ គុណវិបត្តិនិង សម្បត្តិរៀងៗគ្នា។ ក៏ប៉ុន្តែភាគច្រើន សម្រាប់ទំនាក់ទំនង តាមបែបស្ងាត់ៗយូរៗទៅ វាអាចនឹងលេចចេញជាបញ្ហា ធ្វើឲ្យដៃគូម្ខាងទៀត លួចមានកូនចិត្តគិតថា មិនមានទំនុកចិត្ត ទៅលើទំនាក់ទំនង មួយនេះតទៅទៀត។ ប្រសិនបើអ្នកនៅតែបន្ត ទំនាក់ទំនងតាមបែបស្ងាត់ៗបែបនេះ ហើយមិនព្រមបញ្ចេញ នៅសកម្មភាពណាមួយ ទៅកាន់ដៃគូរបស់អ្នក ឲ្យគេមានទំនុកចិត្តថាអ្នក ពិតជាច្បាស់លាស់ជាមួយគេទេនោះ។
ជាក់ស្តែង ការខ្វះនៅទំនុកចិត្តឬ អារម្មណ៍មិនទុកចិត្តទៅលើគ្នានេះ មិនមែនកើតឡើងតែចំពោះ មនុស្សស្រីនោះទេ សូម្បីតែមនុស្សប្រុស ក៏ដូចគ្នាដែរ។ ហើយមូលហេតុដែល មនុស្សមួយចំនួនមិនចង់ បើកបង្ហាញទំនាក់ទំនង ជាមួយដៃគូរនោះ ក៏ព្រោះតែអ្នកខ្លះគឺ មានចរិតស្ងប់ស្ងាត់ច្រើន និងចាស់ទុំ ដូច្នេះគេមិនចង់បង្ហាញ ឬបង្អួតទំនាក់ទំនងគ្នា លើបណ្តាញសង្គមរញ៉េរញ៉ៃនោះទេ តែដល់ថ្ងៃពិសេស ទើបបើកបង្ហាញឲ្យអ្នកគ្រប់គ្នា បានស្គាល់តែម្តង។ ក៏ប៉ុន្តែក៏មានមនុស្សខ្លះទៀត មិនព្រមបើបង្ហាញទំនាក់ទំនង ឲ្យអ្នកដទៃបានដឹងក៏ព្រោះតែ ចំណុចមួយចំនួនដូចជា៖
១. ខ្លាចគេដឹង
មនុស្សប្រុសឬ មនុស្សស្រីដែលមិនចង់បើកបង្ហាញ ពីទំនាក់ទំនងស្នេហា ឬបង្ហោះរូបជាមួយដៃគូរ លើបណ្តាញសង្គម ក៏ព្រោះតែខ្លាចអ្នកផ្សេងដឹង ខ្លាចគ្មានអ្នកតាមស្រលាញ់ ខ្លាចខ្មាស់គេ ខ្លាចមិនអាចបន្ត ទំនាក់ទំនងជាមួយ អ្នកដទៃទៀតបានជាដើម។
២. មិនច្បាស់លាស់
ពេលខ្លះគេមិនព្រម បើកបង្ហាញពីទំនាក់ទំនង ជាមួយអ្នក ក៏ព្រោះតែគេនៅមានចិត្ត មិនច្បាស់លាស់ ។ គេនៅមិនទាន់ ប្រាកដចិត្តថាគេអាច បន្តដំណើរ ឬរួមរស់ លើផ្លូវដ៏វែងឆ្ងាយនេះ ជាមួយអ្នកឬក៏អត់? និងទាន់មិនប្រាកដថា អ្នកជាមនុស្សដែលគេស្រលាញ់ពិតប្រាកដ ឬគ្រាន់តែមួយរយៈពេលជាដើម។
៣. មិនទាន់ត្រៀមខ្លួន
មនុស្សប្រុសខ្លះ មិនព្រមបើកបង្ហាញពី ទំនាក់ទំនងជាមួយដៃគូរ មិនមែនមានន័យថាគេមិនស្រលាញ់ ឬចង់លេងសើចនោះទេ។ តែមកពីគេមិនទាន់ មានលទ្ធភាពគ្រប់គ្រាន់ ក្នុងការមើលថែនារី ដែលគេស្រលាញ់ និងមិនចង់ឲ្យនារី ដែលគេស្រលាញ់ខ្មាស់គេ។ ដូច្នេះហើយទើបបានជា គេត្រូវការពេលកសាងសមត្ថភាព ឲ្យបានរឹងមាំល្មម អាចមើលថែនារី ដែលគេស្រលាញ់បាន ទើបគេបើកបង្ហាញ ជាសាធារណៈ។
៤. មិនចង់ឲ្យគេមើលងាយ
ការដែលមិនបង្ហាញ មុខដៃគូនិង បង្ហោះរូបផ្អែមល្ហែមលើ បណ្តាញសង្គមក៏ព្រោះតែ មិនចង់ឲ្យគេមើលងាយនិង និយាយដើមថាបានតែបង្ហោះផ្អែមៗ តែចាំមើលគ្មានបានរៀបការ ជាមួយគ្នាជាដើម។ ឬប្រសិនបើបង្ហោះរូប ផ្ហែមល្ហែមខ្លាំងពេកពេលដែល បែកគ្នាមែន នឹងក្លាយទៅជាប្រធានបទ របស់អ្នកផងទាំងឡាយ មិនសំចៃមាត់នោះឡើយ៕
យ៉ាងណាមិញ ការដែលមិនបង្ហាញ ឬក៏បង្ហាញរូបគូស្នេហ៍ វាក៏ស្ថិតក្នុងការសម្រេចចិត្តរបស់អ្នកផងដែរ មិនមែន មានតែចំណុចមិនល្អនោះទេ តែខាងលើ វាគ្រាន់តែបង្ហាញពីមូលហេតុតែប៉ុណ្ណោះ ដែលគូស្នេហ៍ភាគច្រើន មិនសូវបញ្ចេញរូបគូស្នេហ៍ រហូតដល់ថ្ងៃរៀបការតែម្តង ទើបទម្លាយ៕