ករណីអ្នកស្លាប់ដោយសារមេរោគកូវីដ១៩ មានចំនួន ១ ០០០នាក់ក្នុងមួយថ្ងៃ ដែលធ្វើឱ្យចំនួនអ្នកស្លាប់សរុបរបស់ប្រទេសប្រេស៊ីលខ្ពស់បំផុតទី៤នៅលើពិភពលោក។ នេះបើតាមព័ត៌មានដកស្រង់ពី BBC News នៅថ្ងៃទី ៣១ ខែឧសភា ឆ្នាំ២០២០នេះ។
ហើយពេលនេះ តួលេខរបស់ប្រេស៊ីលគឺ ២៨.៨៣៤ បានកើនលើសប្រទេសបារាំង យ៉ាងណាមិញ មានតែសហរដ្ឋអាមេរិក អង់គ្លេស និងអ៊ីតាលីប៉ុណ្ណោះដែលមានអ្នកស្លាប់ច្រើនជាងនេះ។ លោកប្រធានាធិបតី Jair Bolsonaro បានដើរតួយ៉ាងសំខាន់ក្នុងការទប់ស្កាត់ការផ្ទុះឡើងនៃជំងឺនេះ បើទោះបីជាប្រទេសប្រេស៊ីលមានចំនួនអ្នកឆ្លងខ្ពស់បំផុតទី ២ នៅលើពិភពលោកក៏ដោយ។ មិនត្រឹមតែប៉ុណ្ណោះ គាត់បានសង្កត់ធ្ងន់ទៀតថា វាពិតជាមានហានិភ័យខ្លាំងណាស់ចំពោះសេដ្ឋកិច្ច រួមទាំងការកើនឡើងនូវភាពអត់ការងារធ្វើផងដែរ។
រីឯក្រសួងសុខាភិបាលរបស់ប្រទេសប្រេស៊ីលបាននិយាយថា មានចំនួនអ្នកស្លាប់ដោយសារមេរោគកូវីដ១៩ដល់់ទៅ ៩៥៦នាក់ក្នុងរយះពេល២៤ម៉ោងចុងក្រោយនេះ។ យោងតាមការសិក្សារបស់សាកលវិទ្យាល័យចនស៍ហបឃីនស៍ ឥឡូវនេះប្រទេសប្រេស៊ីលមានករណីកូវីដ១៩សរុប ចំនួន ៤៩៨.៤៤០ ករណី៕
ប្រភព៖ BBC