មុនការប្រកួតត្រូវរៀបចំឡើងវិញ ខ្សែបម្រើប្រយុទ្ធ របស់ក្រុមមេឃខៀវ Manchester City បាននិយាយលើកតម្កើងក្រុមខ្លួនថា...

រំលឹកកាលពីដើមខែកុម្ភៈ កន្លងទៅនេះនៅក្នុងព្រឹត្តិការណ៍ពានរង្វាន់កំពូលទ្វីបអឺរ៉ុប Champion League វគ្គ១៦ក្រុមចុងក្រោយជើងទីមួយ ក្រុមមេឃខៀវ Manchester City បានបំបាក់ក្រុមម្ចាស់ផ្ទះ Real Madrid នៅក្នុងលទ្ធផល ២-១។

ដោយការប្រកួតជើងទីពីរនឹងត្រូវប្រពឹត្តិធ្វើឡើងនាកីឡដ្ឋានរបស់ក្រុម Manchester City នៅក្នុងអំឡុងខែមីនាមកម្ល៉េះ ប៉ុន្តែត្រូវបានផ្អាកជាបណ្ដោះអាសន្នដោយការរីករាលដាលនៃមេរោគកូវីត១៩។

ដោយឡែកមុននឹងការប្រកួតត្រូវរៀបចំឡើងវិញកីឡាករខ្សែបម្រើប្រយុទ្ធ Riyad Mahrez របស់ក្រុមមេឃខៀវ Manchester City បាននិយាយលើកតម្កើងក្រុមរបស់ខ្លួនថា “ក្រុម Man City គឺជាក្រុមដ៏ខ្លាំងមួយនៅក្នុងទ្វីបអឺរ៉ុបបច្ចុប្បន្ន ហើយខ្ញុំជឿជាក់ថាក្រុមមួយនេះពិតជាសក្តិសមបំផុតក្នុងការឈ្នះពានរង្វាន់កំពូល Champion League នៅក្នុងរដូវកាល ២០១៩-២០២០ នេះ”។

គួរបញ្ជាក់ផងដែរថា កីឡាករ Riyad Mahrez ត្រូវបានក្រុម Man City ទិញយកមកពីក្រុម Leicester កាលពីឆ្នាំ២០១៦ ដោយរូបគេបានបង្ហាញទម្រង់លេងយ៉ាងល្អ និងបានជួយឲ្យក្រុម Man City ឈរចំណាត់ថ្នាក់លេខពីរនៅក្នុងលីគកំពូល English Premier League ថែមទៀតផង៕