សេអ៊ូល៖ យ៉ាងហោចណាស់ មានសាលារៀនចំនួន ២៥១កន្លែង ត្រូវបាន​រដ្ឋាភិបាលកូរ៉េខាងត្បូង ប្រកាសបិទចោលសាជាថ្មី បន្ទាប់ពីរកឃើញករណីឆ្លងជំងឺកូវីដ១៩ហក់ឡើងខ្ពស់។

សាលារៀនចំនួន ២៥១កន្លែង ត្រូវបាន​រដ្ឋាភិបាលកូរ៉េខាងត្បូង ប្រកាសបិទចោល​ ក្រោយករណីឆ្លងកើនឡើងខ្លាំង

​សិស្សានុសិស្សប្រមាណ ២,៣៧លាននាក់ ត្រូវបានអនុញ្ញាត​ឱ្យចូលរៀនវិញ​ កាលពីថ្ងៃពុធកន្លងទៅ ប៉ុន្តែក្រោយបើកសាលារៀនបាន​រយៈពេល​ប៉ុន្មានថ្ងៃ ករណីឆ្លងថ្មីចំនួន ៧៩ករណីត្រូវបានរកឃើញ។ ហើយករណីឆ្លងភាគច្រើនគឺមានប្រភពចេញពីឃ្លាំងមួយ ដែល​កាន់កាប់ដោយក្រុមហ៊ុនពាណិជ្ជកម្មអេឡិចត្រូនិចធំជាងគេបង្អស់របស់ប្រទេសកូរ៉េខាងត្បូងឈ្មោះ Coupang នៅក្នុងទីក្រុង Bucheon ដោយសារតែ​មិន​បានអនុវត្តវិធានការការពារជំងឺកូវីដ១៩ ឱ្យបានល្អគ្រាប់គ្រាន់។

​វិទ្យាល័យ Kyungbock ក្នុងទីក្រុងសេអ៊ូល

យោងតាមអាជ្ញាធរ បានឱ្យដឹងថា សិស្សសាលាម្នាក់ ដែលមានម្តាយធ្វើការនៅឃ្លាំងខាងលើក៏បានឆ្លងជំងឺនេះដែរ។ ទទ្ទឹមនឹងនេះ អាជ្ញាធរក៏បានប្រកាសបិទ សួនឧទ្យានសាធារណៈ ​សារមន្ទីរនៅទូទាំងទីក្រុងសេអ៊ូល ​និងនៅទីក្រុងជុំវិញ​​​ ហើយព្រមទាំងបានស្នើ​​​សុំប្រជាជនទាំងអស់ ​ឱ្យរក្សាគម្លាតឱ្យឆ្ងាយពីគ្នា ដើម្បីទប់ស្កាត់ការឆ្លងរាលដាល់កាន់តែច្រើនឡើង។​

ក្រុមបុគ្គលិកសុខាភិបាល បានបាញ់ថ្មាំសម្លាប់មេរោគនៅក្នុងបន្ទាប់រៀន

សូមជម្រាប់ផងដែរថា បើគិតមកទល់ពេលនេះ ចំនួនអ្នកឆ្លងកូវីដ១៩ នៅកូរ៉េខាងត្បូងបានបន្តកើនឡើងដល់ ​១១,៤៤១នាក់ អ្នកស្លាប់ ២៦៩នាក់ និងអ្នកជាសះស្បើយ ១០,៣៩៨នាក់៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ