ស្រីៗ គ្នាយើងមួយចំនួន ពេលមករដូវតែងបារម្ភ មិនសូវហ៊ានញ៉ាំអីផ្តេសផ្តាសទេ ហើយមានគ្នាយើងមួយចំនួនញ៉ាំថ្នាំបំប៉នសុខភាព ឬជួយថែរក្សាសម្ផស្ស តែដល់ពេលមករដូវមិនហ៊ានលេបថ្នាំ។ ចុះបើមករដូវញ៉ាំថ្នាំបំប៉នផ្សេងៗបានអត់? មានប៉ះពាល់អីទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីសម្រាយចម្ងល់មួយនេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យមិត្តភាពកម្ពុជា-ចិនសែនសុខ បានឲ្យដឹងថា ចំពោះស្រីៗដែលកំពុងញ៉ាំពពួកថ្នាំបំប៉នសុខភាព ឬថែសម្រស់អស់នោះ គឺនៅតែអាចញ៉ាំបានពេលមករដូវ គ្មានបញ្ហាប៉ះពាល់អីដល់សុខភាពទេ។
លោកវេជ្ជបណ្ឌិតបន្តថា ការលេបថ្នាំអស់នោះពេលមករដូវក៏មិនបណ្តាលឲ្យអាក់រដូវ ឬធ្វើទុក្ខឲ្យឈឺចុកចាប់អីដែរ។ ផ្ទុយទៅវិញ លោកវេជ្ជបណ្ឌិត បានបញ្ជាក់ឲ្យដឹងថា ការដែលមិនប៉ះពាល់នោះ គឺលុះត្រាតែជាថ្នាំដែលមានការបញ្ជាក់ និងមានការណែនាំឲ្យប្រើប្រាស់ត្រឹមត្រូវ មិនមែនថ្នាំដែលគ្មានប្រភពច្បាស់លាស់ទេ។
ក្នុងករណីលេបថ្នាំមិនល្អ ផ្តេសផ្តាស វាមិនត្រឹមតែមិនល្អពេលមករដូវទេ តែវាអាចធ្វើឲ្យប៉ះពាល់ដល់សុខភាពទូទៅ ពេលដែលលេបវាយូរៗទៅ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet