បរទេស៖ ផ្ទាំងទឹកកកអង់តាក់ទិកបានថយចុះក្នុងល្បឿន ៥០ម៉ែត្រក្នុងមួយថ្ងៃ នៅចុងយុគសម័យទឹកកក ពោលគឺលឿនជាងការរលាយផ្ទាំងទឹកកក ក្នុងពេលបច្ចុប្បន្ន ចំនួន១០ដង នេះបើយោងតាមការស្រាវជ្រាវថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសិក្សាអំពីគំរូនៃចង្ហូរ (រាងដូចរលក) ក្រោមបាតសមុទ្រ នៅសមុទ្រអង់តាក់ទិក អ្នកវិទ្យាសាស្ត្រមកពីវិទ្យាស្ថាន Scott Polar Research Institute នៅសាកលវិទ្យាល័យ Cambridge បានរកឃើញថា ប្រហែលជា១២,០០០ឆ្នាំមុន ទឹកកកបានថយចុះក្នុងល្បឿន១០គីឡូម៉ែត្រ ក្នុងមួយឆ្នាំ។ ល្បឿននេះគឺលឿនជាងអត្រាថយចុះ នាពេលបច្ចុប្បន្ន ដែលត្រូវបានគេគណនា ដោយប្រើទិន្នន័យផ្កាយរណប។
ក្រុមអ្នកស្រាវជ្រាវបានព្រមានថា ប្រសិនបើការផ្លាស់ប្ដូរអាកាសធាតុអាចបណ្ដាលឲ្យមានការធ្លាក់ចុះនៃទឹកកក នៅប៉ុន្មានទសវត្សរ៍ខាងមុខនេះ យើងអាចមើលឃើញកម្រិតនៃការថយចុះនៃទឹកកក ជាងអ្វីដែលយើងធ្លាប់រំពឹងទុក ជាមួយនឹងផលប៉ះពាល់ដ៏ធំធេង ចំពោះកម្រិតទឹកសមុទ្រពិភពលោក។
ដោយប្រើយានមុជទឹកស្វយ័ត (AUV) ដែលដំណើរការនៅជម្រៅ៦០ម៉ែត្រ ពីលើបាតសមុទ្រ ក្រុមអ្នកស្រាវជ្រាវបានសិក្សាអំពីចង្ហូរនៅខាងក្រោមបាតសមុទ្រ ដែលត្រូវបានបង្កើតឡើងដោយ កករដែលបានកក ខណៈពេលពួកវាចាប់ផ្ដើមផ្លាស់ទីនិងអណ្ដែត។
តាមរយៈការពិនិត្យលើស្នាមនៃទឹកកកនៅចង្ហូរក្រោមបាតសមុទ្រ ក្រុមការងារបានរកឃើញភស្ដុតាងថ្មីនៃការថយចុះនៃទឹកកក កាលពីមុន ដែលត្រូវបានចេញផ្សាយនៅក្នុងទិនានុប្បវត្តិវិទ្យាសាស្ត្រ កាលពីថ្ងៃព្រហស្បតិ៍។ ការថយចុះនេះមានល្បឿនលឿនជាងការសង្កេតឃើញ នូវអ្វីដែលកើតមានឡើងក្នុងពេលបច្ចុប្បន្ន នៅតំបន់សមុទ្រអង់តាក់ទិក៕