អ្នកវិទ្យាសាស្ត្រអង់គ្លេសព្យាយាមបង្កើតការផ្សាភ្ជាប់ទំនាក់ទំនងភាសាទៅវិញទៅមករវាងសត្វស្វា Chimpanzee និងការនិយាយរបស់មនុស្ស។ យោងទៅតាមការសិក្សាស្រាវជ្រាវរបស់ក្រុមអ្នកវិទ្យាសាស្ត្រអង់គ្លេស បានបង្ហាញថា ការនិយាយរបស់មនុស្ស បានវិវឌ្ឍន៍មកពីការប្រើបបូរមាត់របស់ប្រភេទសត្វស្វា Chimpanzee នេះឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងការសិក្សានេះផងដែរ អ្នកជំនាញបានប្រើប្រាស់ខ្សែអាត់វីដេអូ ដែលប្រមូលបានពីសួនសត្វ Edinburgh នៅប្រទេសស្កុតឡេន (Scotland) និងមកពីសួនសត្វ Leipzig នៅប្រទេសអាល្លឺម៉ង់ (Germany) ដើម្បីសិក្សាពីបបូរមាត់របស់សត្វស្វាប្រភេទនេះ។ តាមរយៈចលនានៃបបូរមាត់របស់សត្វស្វា Chimpanzee គឺវាមានលក្ខណៈស្រដៀងទៅនឹងការបើក និងបិទមាត់ក្នុងការប្រើប្រាស់ភាសាអ្វីមួយ ដែលជាតម្រូវការចាំបាច់ក្នុងការធ្វើទំនាក់ទំនងរបស់វា។
គួរបញ្ជាក់ផងដែរថាការស្រាវជ្រាវនេះ គឺជាអ្វីដែលមនុស្សមិនធ្លាប់បានដឹងពីមុនមក ហើយបានមើលស្រាលទៅលើសមត្ថភាពនៃការយល់ដឹង និងការប្រាស្រ័យទាក់ទងគ្នារបស់ស្វាទាំងនោះ។ ដូច្នេះហើយ ទើបអ្នកវិទ្យាសាស្ត្រព្យាយាមសាកល្បងស្វែងរកពីភាសាមួយដែលសមស្របរបស់សត្វស្វា Chimpanzee ឲ្យផ្សាភ្ជាប់ទៅនឹងការនិយាយ និងពាក្យសម្ដីរបស់មនុស្ស៕
ប្រភព៖ shortpedia
Bong I.T