តើបុរសគ្រប់រូបត្រូវធ្វើដូចម្ដេច ដើម្បីឲ្យមើលទៅសង្ហាជាងមុន?​ ចំណុចទាំងនេះ គឺជាជំហានដំបូងសម្រាប់អ្នកដែលគួរតែចាប់ផ្តើម

អ្នកគួរតែព្យាយាមផ្លាស់ប្តូរបន្តិចបន្តួចចំពោះរូបរាង និងរបៀបរស់នៅរបស់អ្នក ដោយចាប់ផ្តើមជាមួយ នឹងការផ្លាស់ប្តូរផ្នត់គំនិតរបស់អ្នក ទើបវាជាវិធីដ៏ល្អមួយដើម្បីរក្សាភាពវ័យក្មេង។ សម្រាប់បុរស ដើម្បីឲ្យខ្លួនមើលទៅក្មេងជាងវ័យ គឺងាយស្រួលជាងនារី ដោយគ្រាន់តែធ្វើរឿងទាំងនេះដំបូង អ្នកនឹងឃើញ ថា ខ្លួនអ្នកមានភាពផ្លាស់ប្តូរ។ 

ចំណុចខាងក្រោមនេះ អាចជួយផ្លាស់ប្តូរអ្នកមួយជំហាន ដើម្បីឲ្យបុរសមើលទៅកាន់តែកាន់តែទាក់ទាញជាងមុន៖

១. ជ្រើសរើសម៉ូតសក់ដែលទាន់សម័យ និងសាកសមនឹងមុខរបស់អ្នក

សក់គឺជាផ្នែកដ៏សំខាន់មួយនៃរាងកាយ ដែលអាចធ្វើឲ្យបុរសមានភាពសង្ហាជាងមុន។ ការកាត់សក់ថ្មី គឺជាវិធីដ៏ល្អមួយដើម្បីបង្ហាញខ្លួនក្មេងជាងវ័យ។ ប្រសិនបើសក់របស់អ្នកវែងខ្លាំង​ ឬ វែងតែផ្នែកចំហៀង អ្នកត្រូវតែហ៊ានកាត់សក់ដើម្បីធ្វើឱ្យសក់របស់អ្នកទាន់សម័យ និងមើលទៅពុំសូវមានសម្ពាធនៅលើ ក្បាលខ្លាំង។​ អ្នកអាចលាបពណ៌សក់បាន ប្រសិនបើវាមើលទៅសមរម្យ និងសាកសមនិងអ្នក។

២. ផ្លាស់ប្តូរជាមួយនឹងការជ្រើសរើសសម្លៀកបំពាក់ឲ្យបានសមស្របនឹងរាងកាយរបស់អ្នក

ការជ្រើសរើសសម្លៀកបំពាក់ គឺជាកត្តាសំខាន់ដែលអាចឲ្យគេមើលឃើញថាអ្នកប្លែក។ ផ្គូរផ្គងសម្លៀកបំពាក់ឲ្យបានសមស្របនឹងរាងកាយរបស់អ្នក ដោយជ្រើសរើសស្តាយផ្ទាល់ខ្លួនរបស់អ្នក ជាមួយពណ៌ និងម៉ូតដែលសក្តិសម សម្រាប់អ្នកដោយមិនប្រកាន់ថា សម្លៀកបំពាក់ទាំងនោះចាស់ ឬ ថ្មី នោះទេ។ 

៣. អនុវត្តការថែរក្សាស្បែករបស់អ្នកជាប្រចាំ

ការថែរក្សាស្បែករបស់អ្នក នឹងធ្វើឲ្យអ្នកមើលទៅមានសុខភាពល្អ និងក្មេងជាងវ័យ។ អ្នកគួរតែឧស្សាហ៍កោររោម កោរពុកម៉ាត់ ឬ កោរពុកចង្កា ឬ ក៏កោរឲ្យខ្លី ដើម្បីឲ្យមើលទៅក្មេងជាងវ័យ និងជាពិសេស កុំភ្លេចលាងមុខអ្នកឱ្យបាន ២ ដងក្នុងមួយថ្ងៃ (មួយដងពេលព្រឹក និងមួយដងមុនពេលចូលគេង)។ បើសិនជាអាច អ្នកអាចប្រើប្រាស់ក្រែមលាបមុខសម្រាប់បុរស ដើម្បីផ្តល់សំណើមដល់មុខរបស់អ្នក បន្ទាប់ពីអ្នកលាងសម្អាតវា។ ម្យ៉ាងវិញទៀត វាក៏អាចជួយឲ្យស្បែករបស់អ្នករលោង ការពារស្នាមជ្រួញនិងការពារពីកម្ដៅថ្ងៃផងដែរ។ អ្វីដែលពិសេសនោះគឺធ្វើឲ្យស្បែករបស់អ្នកភ្លឺរលោងជាងមុន៕

ប្រភព៖ wikihow.com