លោកគ្រូ Michael-Patrick Strahan​ ដែលល្បី​តាម​ហ្វេស​ប៊ុក ​​​បាន​ទម្លាយរឿង​ជូរចត់​​មុន​​ធ្វើជា​គ្រូ​បង្រៀន (មានវីដេអូ)

ខ្ញុំតែងតែស្រមៃចង់ធ្វើគ្រូបង្រៀនកាលពីនៅវ័យកុមារ។ ខ្ញុំមកពីតំបន់ដែលជាទីក្រុងដ៏តូចមួយ​ដែលជាកន្លែងមួយដែលគ្មានអ្នកប្រឹក្សា គ្មានអ្នកព្យាបាលជំងឺ គ្មានចិត្តវិទូ ហើយខ្ញុំត្រូវការពួកគេ​ណាស់ ដោយសារខ្ញុំតែងតែត្រូវមិត្តភក្តិធ្វើបាប។ ខ្ញុំមិនដែលមានគ្រូណាម្នាក់​មក​អើពើ បារម្ភពីខ្ញុំថាខ្ញុំកើតអីដែរ ឬអត់។ អ្នកនៅរស់នៅទីក្រុងនោះវិញតែងតែនិយាយដើមគ្នា ហើយ​គ្រប់គ្នាតែងតែចង់ដឹងរឿងគ្រប់យ៉ាង។ គ្រប់គ្នាថែមទាំងដឹងថា ម៉ាក់របស់ខ្ញុំបានរត់ចោលខ្ញុំ និងក្រុមគ្រួសារ។ ហើយគ្មានគ្រូសូម្បីតែម្នាក់មកចង់ដឹងពីសុខទុក្ខខ្ញុំឡើយ។ នេះជាមូលហេតុដែលខ្ញុំក្លាយជាគ្រូបង្រៀន ព្រោះខ្ញុំចង់ជួយក្មេងៗនូវអ្វីដែលខ្ញុំមិនទទួល​បានកាលពីវ័យកុមារ។