តិចសាស់៖ នាពេលបច្ចុប្បន្ននេះ ជែល ឬអាល់កុលលាងដៃគឺជាតម្រូវការចាំបាច់ ចំពោះប្រជាជនស្ទើរទូទាំងពិភពលោក សម្រាប់ការប្រើប្រាស់ប្រចាំថ្ងៃ មិនថានៅផ្ទះក្ដីឬចេញទៅទីសាធារណៈក្ដី។ ប៉ុន្ដែ ប្រហែលមានមនុស្សមួយចំនួនក៏មិនទាន់បានដឹងពីហានិភ័យរបស់វានោះទេ ប្រសិនបើទុកដាក់មិនបានត្រឹមត្រូវ។

ជែលលាងដៃ(រូបតំណាង)

យ៉ាងណាមិញ កាលពីពេលថ្មីៗនេះ ក្រុមអ្នកជំនាញនៅរដ្ឋតិចសាស់ សហរដ្ឋអាមេរិកបានធ្វើការព្រមានដល់ពលរដ្ឋខ្លួនថា ការរក្សាទុកជែល ឬអាល់កុលលាងដៃចោលនៅក្នុងរថយន្ដអាចបង្កគ្រោះថា្នក់ជាយថាហេតុ ព្រោះនៅពេលសីតុណ្ហភាពនៅខាងក្រៅចាប់ផ្ដើមឡើងកម្ដៅវាងាយនឹងមានការឆាបឆេះ ដោយសារតែទឹកសម្អាតមេរោគទាំងនោះមានជាតិអាល់កុល។

ជាមួយគ្នានេះ នាយកដ្ឋានពន្លត់អគ្គីភ័យនៅ Western Lakes បានពន្យល់ថា ការទុកពពួកជែលឬអាកុលលាងដៃ នៅក្នុងរថយន្តក្រោមអាកាសធាតុក្តៅ ពន្លឺព្រះអាទិត្យនឹងធ្វើឱ្យដបទាំងនោះឡើងកម្ដៅ ហើយជាពិសេសពេលវានៅក្បែរអណ្តាតភ្លើង ដូចជាការជក់បារីក្នុងរថយន្ត​ជាដើម។

ករណីឆាបឆេះរថយន្ដ

អាស្រ័យហេតុនេះ សូមប្រិយមិត្ដទាំងអស់ មេត្ដារក្សាទុកជែលឬអាកុលលាងដៃនៅកន្លែងសុវត្ថិភាព ដើម្បីបង្ការគ្រោះមហន្តរាយណាមួយ ដែលអាចកើតមានឡើងជាយថាហេតុ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ