កាលពីថ្មីៗនេះ T.O.P ត្រូវបាគេសង្ស័យថាកំពុងលួចលាក់មានស្នេហា បន្ទាប់ពីមានរូបថតពីរបីសន្លឹកត្រូវបានចែក ចាយពាសពេញបណ្តាញអុីនធឺណេត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារព័ត៌មាន Sina របស់ចិន បានបង្ហោះនូវរូបភាពខ្លះដែលត្រូវបានជនជាតិចិនម្នាក់ចាត់ទុកថាជាភស្តុតាងដែលថា T.O.P កំពុងតែលួចទាក់ទងគ្នាជាមួយនឹងតារាស្រី Kim Gavin។ រូបភាពដំបូងគឺជារូបភាពដែលតារាទាំងពីរបាន អង្គុយនៅក្បែរគ្នា ថែមទាំង T.O.P ក៏បានប្រើដៃអោបស្មារបស់ Gavin ទៀតនោះ ត្រូវបានលុបចេញពីគណនី Instagram របស់នាងបាត់ទៅហើយ បន្ទាប់ពីបានបង្ហោះរួច។
បន្ទាប់ពីនោះ T.O.P ក៏បានបង្ហោះរូបវិញម្ដងដោយមានរូបភាពរបស់គេដែលពាក់អាវដូចគ្នា ទៅនឹងរូបដែល Gavin បានលុប ចោលនៅក្នុងគណនីរបស់ខ្លួន ដើម្បីអបអរថ្ងៃខួបកំណើតកាលពីថ្ងៃទី ៤ ខែ វិច្ឆិកា ឆ្នាំ២០១៩។
បន្ថែមពីលើនោះគេក៏សង្កេតឃើញថាតារាទាំងពីរបានបង្ហោះនូវរូបភាព ស្រដៀងគ្នាជាច្រើន ដូចជា ទេសភាពមាត់ សមុទ្រ...
ឬក៏រូបពាក់អាវគេងដែលមានម៉ូតដូចគ្នា....
សូម្បីតែស្បែកជើងក៏មានម៉ូតដូចគ្នា....
ព្រមគ្នានេះដែរ Kim Gavin ក៏បានបង្ហោះរូបភាពអំពូលភ្លើងដែលមានរូបរាងប្លែកនៅលើគណនីយ៍របស់ខ្លួន ដែលគេ ក៏ប្រទះឃើញអំពូលភ្លើងដែលដូចគ្នានេះនៅផ្ទះរបស់ម្ដាយរបស់ T.O.P ផងដែរ។
ជាចុងបញ្ចប់មិត្តម្នាក់របស់តារាសម្តែងស្រីរូបនេះក៏បានបង្ហោះនូវរូបភាព ដែលបង្ហាញពីរូបភាពញ៉ាំអាហារជាមួយនឹង មនុស្សម្នាក់ដែលបានពាក់អាវដូចជា T.O.P ដូច្នេះដែរ។
ជាការកត់សម្គាល់ ចំពោះពាក្យចចាមអារ៉ាមខាងលើ ក្រុមហ៊ុនរបស់តារាទាំងពីរនាក់នេះនៅមិនទាន់បានចេញមុខធ្វើការបកស្រាយនៅឡើយទេ៕