បរទេស៖ មជ្ឈមណ្ឌលសិក្សាវត្ថុនៅជិតផែនដី (CNEOS) របស់អង្គការណាសា បានរាយការណ៍ថា អាចម៍ផ្កាយដ៏ធំមួយ ដែលមានទទឹងប្រហែល ៦៧០ម៉ែត្រ និងបណ្ដោយប្រហែល ១.៥គីឡូម៉ែត្រ នឹងហោះចូលមកគន្លងផែនដី នៅថ្ងៃទី ២១ ខែឧសភា ខាងមុខនេះ ប៉ុន្តែវានឹងមិនមានការប៉ះទង្គិចជាមួយផែនដីនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាចម៍ផ្កាយយក្សនោះមានឈ្មោះថា 136796 (1997 BQ) ដែលត្រូវបានគេប្រទះឃើញជាលើកដំបូង កាលពីថ្ងៃទី ១៦ ខែមករា ឆ្នាំ ១៩៩៧ ។ ហើយវាត្រូវបានគេរំពឹងថា នឹងហោះមកជិតផែនដីនៅថ្ងៃព្រហស្បតិ៍ទី ២១ ខែឧសភា វេលាម៉ោង ៩ៈ៤៥ នាទីយប់ (ម៉ោងសហរដ្ឋអាមេរិក) ឬ ត្រូវនឹងថ្ងៃសុក្រទី ២២ ខែឧសភា ម៉ោង ០២ៈ៤៥ នាទីព្រឹក (ម៉ោងអង់គ្លេស)។
អាចម៍ផ្កាយយក្ស 136796 (1997 BQ) នឹងធ្វើដំណើរក្នុងល្បឿន ១១,៦៨ គីឡូម៉ែត្រក្នុងមួយវិនាទី ឬ ២៦,១២៧ ម៉ាយក្នុងមួយម៉ោង។ ទោះបីជាយ៉ាងណាក៏ដោយ អង្គការណាសា បានព្រមានថា អាចម៍ផ្កាយដែលមានអង្កត់ផ្ចិតរហូតដល់ ១ គីឡូម៉ែត្រ អាចបង្កគ្រោះមហន្តរាយធ្ងន់ធ្ងរដល់ផែនដីយើង ដោយសារវាអាចបង្កើតឱ្យមានគ្រោះរញ្ជួយដី រលកស៊ូណាមិ និងផលប៉ះពាល់ជាច្រើនទៀត៕
គួរឱ្យដឹងដែរថា ក្រុមអ្នកជំនាញជាច្រើនបានជឿជាក់ថា សត្វដាយណូស័រ និងសត្វជាច្រើនប្រភេទទៀត បានងាប់ផុតពូជ បន្ទាប់ពីអាចម៍ផ្កាយយក្ស ដែលមានអង្កត់ផ្ចិតរហូតដល់ទៅ ១០ គីឡូម៉ែត្រ បានធ្លាក់មកលើឧបទ្វីប Yucatan កាលពី ៦៥ លានឆ្នាំមុន៕