កែប៖ រដ្ឋបាលខេត្តកែបគ្រោងពង្រីកឆ្នេរកម្សាន្ត២កន្លែងបន្ថែមទៀត ដើម្បីទាក់ទាញភ្ញៀវទេសចរជាតិ និងអន្តរជាតិឱ្យមកលេងកម្សាន្តកាន់តែច្រើនថែមទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្លែងក្នុងសន្និសីទសារព័ត៌មានស្ដីពី វឌ្ឍនភាព និងទិសដៅការងារបន្ដរបស់រដ្ឋបាលខេត្តកែប កាលពីព្រឹកថ្ងៃទី ០៥ ខែ ឧសភា នាទីស្តីការគណៈរដ្ឋមន្ត្រី ឯកឧត្តម កែន សត្ថា អភិបាលនៃគណៈអភិបាលខេត្តកែប បានមានប្រសាសន៍ថា ខេត្តកែបមានការអភិវឌ្ឍខ្លំាងលើវិស័យទេសចរណ៍ ខណៈដែរភ្ញៀវទេសចរជាតិ អន្តរជាតិ ចូលមកទស្សនាលេងកម្សាន្តយ៉ាងច្រើនកុះករ នៅតាមតំបន់រមណីយដ្ឋាននានា ជាពិសេសនៅតំបន់មាត់សមុទ្រក្នុងខេត្តកែប។
ឯកឧត្តមបានបន្តថា ដោយមើលឃើញពីស្ថានភាពភ្ញៀវទេសចរមកកាន់ខេត្តកែបកាន់កើនឡើងពីមួយឆ្នាំទៅមួយឆ្នាំ អាជ្ញាធរកំពុងសិក្សាបង្កើតតំបន់ឆ្នេរ ២កន្លែងបន្ថែមទៀត ដើម្បីបង្វែរភ្ញៀវទេសចរទៅ លេងកម្សាន្តកន្លែងថ្មីៗទាំងនោះផងដែរ។
ឯកឧត្តម កែន សត្ថា បានអំពាវនាវឲ្យអ្នកវិនិយោគិនបរទេស មកបណ្តាក់ទុននៅខេត្តមួយនេះផង ខណៈរាជរដ្ឋាភិបាលកម្ពុជាបានកំណត់យកខេត្តកែប ជាតំបន់ទេសចរណ៍សម្រាកលម្ហែកម្រិតខ្ពស់៕
ប្រភព៖ ក្រសួងព័ត៌មាន