ថៃ៖ ដូចយើងបានដឹងរួចមកហើយ តារាសម្ដែងប្រុសវ័យក្មេងចំណូលក្រោយរបស់ស្ថានីយ៍ទូរទស្សន៍ ថៃប៉ុស្តិ៍លេខ៣ លោក In Sarint ដែលកំពុងលេចមុខក្នុងខ្សែភាពយន្តភាគថ្មី រឿង Fak Fah Kiri Daw កំពុងទទួលរងនូវពាក្យចចាមអារ៉ាមពាសពេញបណ្ដាញអ៊ិនធឺណែតនៅប្រទេសថៃ ពីរឿងដែលលោកមានទំនាក់ទំនងស្នេហាភេទដូចគ្នា ជាមួយនឹងកម្លោះហាយសូរូបសង្ហា Tie Vassuvat ដែលត្រូវជាប្អូនថ្លៃរបស់តារាសម្ដែងស្រីឈ្មោះល្បី Mew Nittha។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះរឿងមួយនេះ បើទោះជាសាមីខ្លួនទាំងសងខាង បានចេញមុខបកស្រាយថា អ្នកទាំងពីរត្រឹមតែជាមិត្តភក្តិនឹងគ្នាប៉ុណ្ណោះ មិនមានទំនាក់ទំនងស្នេហាអ្វីឡើយ ក៏អ្នកគាំទ្រនៅតែមិនបញ្ចប់ការសង្ស័យ ហើយបន្តផ្គូរផ្គងអ្នកទាំងពីរដដែល។
ប៉ុន្តែក្រោយមកទៀត ស្រាប់តែមានលេចឮពាក្យចចាមអារ៉ាមមួយផ្សេងទៀត នៅលើបណ្ដាញសង្គមសម្រាប់ការសន្ទនាដ៏ល្បីនៅប្រទេសថៃ Pantip ថា លោក Somrakn ដែលត្រូវជាអ្នកគ្រប់គ្រងផ្នែកខ្សែភាពយន្តភាគមួយរូបប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ ទទួលយកមិនបានឡើយសម្រាប់រឿងរ៉ាវស្រឡាញ់ភេទដូចគ្នា ដែលកំពុងកើតមានលើលោក In Sarint នេះ ពោលគឺលោកខឹងសម្បារហូតដល់ថ្នាក់ Unfollow គណនី Instagram របស់ In Sarint ទៅទៀត។ ពាក្យចចាមអារ៉ាមមួយនេះ បានធ្វើឲ្យអ្នកគាំទ្រលោក In Sarint សម្ដែងក្តីអាណិតអាសូរចំពោះអាយដលរបស់ខ្លួន និងសម្ដែងការខកចិត្តចំពោះអ្នកគ្រប់គ្រងកម្មវិធីរូបនោះជាខ្លាំង។
ការវិវត្តចុងក្រោយនៃរឿងរ៉ាវមួយនេះ គឺគេបានស្វែងរកឃើញថា តាមពិតទៅ មិនមានការប្រតិកម្មពីសំណាក់អ្នកគ្រប់គ្រងកម្មវិធីនៃស្ថានីយ៍ទូរទស្សន៍ប៉ុស្តិ៍លេខ៣ ដូចពាក្យចចាមអារ៉ាមខាងលើនេះឡើយ ។ ក្នុងនោះ អ្នកលេងអ៊ិនធឺណែតជាច្រើនបានសម្ដែងការខឹងសម្បាចំពោះអ្នកដែលបង្កើតពាក្យចចាមអារ៉ាមនេះឡើងថា៖ "អ្នកដែលបង្កើតរឿងនេះឡើង គឺមិនមែនជាអ្នកគាំទ្ររបស់ In Sarint ឡើយ តែជាអ្នកដែលចង់ឲ្យ In Sarint មានបញ្ហាជាមួយថ្នាក់លើច្រើនជាង"៕
សូមទស្សនារូបភាពខាងក្រោម៖