បរទេស៖ ជារឿងដែល គួរឲ្យភ្ញាក់ផ្អើលមួយ ដោយកាលពីពេលថ្មីៗនេះ បានបែកធ្លាយរឿងអាស្រូវ ស្នេហាផិតក្បិតរវាង តារាសម្តែងប្រុស Jackson Lai និងមិត្តរួមអាជីពAshley Chu ខណៈពេលដែល ភរិយាកំពុងពរពោះជិតគ្រប់ខែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិញបញ្ហា ស្នេហាផិតក្បិតមួយនេះ Ashley Chu បានសារភាពថា រូបនាង និងJackson Lai បានមានចិត្តលើគ្នា បន្ទាប់ពីពួកគេបានចូលរួមថត ក្នុងខ្សែភាពយន្តជាមួយគ្នា កាលពីខែមីនារួចមក។ ហើយក្រោយមកពួកគេ ក៏ចាប់ផ្តើមទំនាក់ទំនងស្នេហា ក្រៅសាច់រឿងជាមួយគ្នា។ ក៏ប៉ុន្តែ ទាក់ទងគ្នាបានមួយរយៈពេលខ្លី ទំនាក់ទំនង របស់ពួកគេក៏បានបែកធ្លាយ បន្ទាប់ពីត្រូវបានអ្នកកាសែត លួចថតបានពួកគេទាំងពីរ នៅក្នុងឡាន កំពុងតែញុំានំខេក តែពីរនាក់ជាមួយគ្នា។
កន្លងមក នៅមុនពេលដែល រឿងនេះត្រូវបាន លាតត្រដាងJackson Lai ក៏ធ្លាប់មានបំណងចង់ លែងលះប្រពន្ធ ដែលកំពុងតែពរពោះ៨ខែ ដើម្បីមករស់នៅជាមួយនឹង តារាសម្តែងស្រីAshley Chu ថែមទៀតផង។
តែបន្ទាប់ពីរឿងអាស្រូវនេះ ត្រូវបានបែកធ្លាយហើយ តារាសម្តែងប្រុសវ័យ៣៤ ឆ្នាំរូបនេះ ក៏បានវិលត្រឡប់ទៅសុំត្រូវរូវ និងសុំការអភ័យទោស ពីភរិយារបស់លោកវិញ។ រីឯ ភរិយា របស់តារាប្រុសរូបនេះក៏បាន ផ្តល់ការអភ័យទោសឲ្យ ដោយភរិយារបស់លោក បានលើកហេតុផលថា គឺដើម្បីកូនដែលជិតនឹងកើត ហើយពួកគេក៏នឹងមកជានា ហើយរស់នៅជាមួយគ្នាវិញ សារជាថ្មី។
ស្របពេលជាមួយគ្នានេះដែរ តារាសម្តែងស្រីAshley Chu ក៏បានចេញមុខសុំទោស ជាសាធារណៈនៅចំពោះមុខ អ្នកសារព័ត៌មានទាំងអស់ ដើម្បីទទួលនៅកំហុស ដែលខ្លួនបានជ្រុលជ្រួស និងបានធ្វើខុស កន្លងមកលើភរិយារបស់Jackson Lai រួមទាំងលើមិត្តប្រុស របស់នាងដូចគ្នាដែរ៕
Bong I.T