អុញនោះ! Kao Suphassara រំភើបចិត្តដោយមិត្តភក្តិធ្វើខួបកំណើតឲ្យ តែបែរជាត្រូវគេរិះគន់យ៉ាងចាស់ ដៃ

ថៃ៖ ដូចយើងបានដឹងរួចមកហើយថា តារាសម្ដែងស្រីរូបស្រស់ប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ Kao Suphassara ត្រូវបានមិត្តភក្តិរៀបចំធ្វើខួបកំណើតឲ្យគម្រប់វ័យ២៥ឆ្នាំកាលពីថ្ងៃទី២៩ ខែមេសាកន្លងទៅនេះ។ ក្នុងនោះ Kao Suphassara បានបង្ហោះសារនៅលើគណនី Instagram ជាមួយនឹងអារម្មណ៍រំភើប ហើយក៏មានអ្នកគាំទ្រជាច្រើនចូលទៅខមមិនជូនពរ និងកោតសរសើរពីទឹកចិត្តដ៏ល្អរបស់មិត្តភក្តិរបស់នាងផងដែរ។

ប៉ុន្តែមិនមែនអ្នកគ្រប់គ្នាសុទ្ធតែពេញចិត្តនឹងកម្មវិធីជួបជុំមួយនេះឡើយ។ បន្ទាប់ពី Kao Suphassara បានបង្ហោះរូបភាពនៃកម្មវិធីខួបកំណើតរបស់ខ្លួនរួចមក ស្រាប់តែមានអ្នកលេងអ៊ិន ធឺណែតម្នាក់ចូលទៅខមមិនក្នុងន័យរិះគន់យ៉ាងចាស់ដៃថា៖ "គេហាមមិនឲ្យជួបជុំគ្នាត្រូវអត់? អត់យល់សោះ នៅពេលដែលប្រជាជនជួបជុំគ្នា ត្រូវបានគេចាប់ខ្លួន តែនៅពេលតារាជួបជុំគ្នាបែរជាមាន តែអ្នកពេញចិត្តទៅវិញ គ្រាន់តែចង់ប្រាប់ថា មុននឹងក្លាយទៅជា Kao Suphassara Version ថ្មី ជួយស្ដាប់តាមការណែនាំរបស់រដ្ឋផង។"

បន្ទាប់ពីមានមតិរិះគន់បែបនេះរួចមក គេមិនទាន់ឃើញសាមីខ្លួន Kao Suphassara ចេញមកបកស្រាយយ៉ាងណានោះទេ ប៉ុន្តែវាក៏ជាមតិដែលសមហេតុផលមួយ ស្របពេលដែលប្រទេសថៃ និងពិភពលោកទាំងមូល កំពុងជួបប្រទះនូវវិបត្តិកូវីដ១៩ ដូច្នេះការជួបជុំគ្នាច្រើនមិនមែនជារឿងដែលគួរធ្វើនៅអំឡុងពេលនេះឡើយ៕

សូមទស្សនារូបភាពខាងក្រោម៖

ប្រភព៖ TeeNee