រឿងភាគថ្មីរបស់ Lee Minho មិនសូវមានអ្នកទស្សនា អ្នកគាំទ្រនាំគ្នាវាយប្រហារតួឯកស្រីយ៉ាងចាស់ដៃ

កូរ៉េខាងត្បូង៖ ខ្សែភាពយន្តភាគកូរ៉េថ្មី រឿង The King Eternal Monarch ដែលមានការចូលរួមសម្ដែងពីសំណាក់តារាប្រុសរូបសង្ហាដ៏ល្បីឈ្មោះប្រចាំប្រទេសកូរ៉េខាងត្បូង លោក Lee Minho ដែលជាប្រភេទរឿងបែបស្នេហា និង ហ្វេនតាស៊ីនោះ បែរជាមិនទទួលបានការគាំទ្រតាមការរំពឹងទុកឡើយ។ ក្នុងនោះ រឿងភាគកូរ៉េមួយនេះ មានចំនួនអ្នកទស្សនាយ៉ាងទាប ខុសប្លែកពីរឿងមុនៗរបស់ Lee Minho ដែលសុទ្ធសឹងតែមានចំនួនអ្នកទស្សនាច្រើន។

ជុំវិញបញ្ហានេះ អ្នកគាំទ្រមួយចំនួនបានរិះគន់ទៅលើសាច់រឿង ប៉ុន្តែអ្នកគាំទ្រមួយចំនួនទៀត បែរជា រិះគន់យ៉ាងចាស់ដៃទៅលើតួឯកស្រី ដែលសម្ដែងដោយ Kim Go-eun ថាដោយសារតែនាងមានសម្រស់មិនសូវស្អាត មិនសក្តិសមជាមួយនឹង Lee Minho ទើបបានជាធ្វើឲ្យរឿងទាំងមូលមិនទទួលបានការគាំទ្របែបនេះ។ ពួកគេថែមទាំងបានបញ្ជាក់ទៀតថា អ្នកដឹកនាំគួរតែរកតួឯកស្រីស្អាតៗ សក្តិសមជាមួយនឹង Lee Minho ទើបធ្វើឲ្យសាច់រឿងកាន់តែគួរឲ្យចាប់អារម្មណ៍ និងទទួលបានគាំទ្រ មិនមែនចេះតែរើសៗតួមុខយ៉ាងម៉េចមកសម្ដែងក៏បាននោះទេ៕

សូមទស្សនារូបភាពខាងក្រោម៖

ប្រភព៖ TeeNee