ថ្វីបើមានការសរសេរអត្ថបទជាច្រើនបាននិយាយថា ការញ៉ាំផ្លែម្នាស់អាចជារឿងគ្រោះថ្នាក់ក្នុងពេលមានផ្ទៃពោះក៏ដោយ តែទាក់ទងនឹងរឿងនេះមិនទាន់មានការស្រាវជ្រាវណាមួយគាំទ្រដល់ទស្សនៈនេះនៅឡើយទេ។ តាមពិតទៅ ផ្លែម្នាស់អាចជាអាហារមានជីវជាតិយ៉ាងច្រើនដែលអាចបញ្ចូលក្នុងរបបអាហាររបស់ស្រ្តីមានផ្ទៃពោះបាន។ ជាតិទងដែងគឺជាជាតិរ៉ែមួយប្រភេទដែលសំខាន់សម្រាប់ការបង្កើតកោសិកាគ្រាប់ឈាមក្រហម ខណៈពេលដែលយើងត្រូវការតិចតួចដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងពេលមានផ្ទៃពោះត្រូវការជាតិទងដែង អាចកើនដល់ ១មីលីក្រាមក្នុងមួយថ្ងៃ ដើម្បីទ្រទ្រង់ដល់ការ កើនឡើងរបស់លំហូរឈាម។ ជាតិទងដែងក៏ជាតម្រូវការសម្រាប់ការលូតលាស់បេះដូង សរសៃឈាម គ្រោងឆ្អឹង និងប្រព័ន្ធសរសៃប្រសាទរបស់ទារកក្នុងផ្ទៃដែរ។ ការញ៉ាំម្នាស់ ១៦៥ក្រាមអាចផ្តល់ជាជាតិ ទងដែងតាមតម្រូវការប្រចាំថ្ងៃក្នុងពេលមានផ្ទៃពោះយ៉ាងហោចណាស់ ១៨ភាគរយ។
ម្នាស់ក៏ជាប្រភពដ៏ល្អមួយនៃវីតាមីន B ផងដែរដូចជា៖
- វីតាមីន B1 (Thiamine)
- វីតាមីន B6 (Pyridoxine)
- វីតាមីន B9 (Folate)
ខណៈពេលដែលវីតាមីនទាំងនេះមាននាទីរៀងៗខ្លួន តែជាទូទៅ វីតាមីន B គឺជាវីតាមីនដ៏សំខាន់មួយសម្រាប់ការលូតលាស់ និងធំធាត់យ៉ាងត្រឹមត្រូវសម្រាប់ទារកក្នុងផ្ទៃ។ លើសពីនេះទៅទៀត ផ្លែម្នាស់ផ្ទុកទៅដោយវីតាមីន C និងជាតិដែក ស័ង្គសី និងកាលស្យូមតិចតួច ដែលសុទ្ធសឹងតែជាសារធាតុសំខាន់ៗសម្រាប់ស្រ្តីមានផ្ទៃពោះប្រកបដោយសុខភាពល្អ៕