អង់គ្លេស៖ ការសិក្សាទៅលើមនុស្សដំបូងគេធ្វើឡើងក្នុងប្រទេសអ៊ឺរ៉ុបសម្រាប់ពិសោធន៍ទៅវ៉ាក់សាំងបង្ការជំងឺកូរ៉ូណា ដែលចាប់ផ្តើមក្នុងទីក្រុង Oxford តែម្តង។ មានអ្នកស្ម័គ្រចិត្តចំនួន ២នាក់ ត្រូវបានចាក់វ៉ាក់សាំងនេះ ប៉ុន្តែលក្ខណៈនៃការសិក្សានេះមានន័យថា អ្នកស្ម័គ្រចិត្តទាំងនោះមិនបានដឹងថា វ៉ាក់សាំងដែលគេចាក់នោះជាវ៉ាក់សាំងអ្វីឡើយ គ្រាន់តែដឹងថាវាអាចការពារជំងឺរលាកស្រោមខួរក្បាលបាន នេះបើយោងទៅតាមសារព័ត៌មាន BBC បានបញ្ជាក់ដូច្នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវ៉ាក់សាំងនេះត្រូវបានបង្កើតឡើងក្នុងរយៈពេល ៣ខែតាមរយៈក្រុមការងារនៅឯសាកលវិទ្យាល័យ Oxford។ សាស្រ្តាចារ្យខាងផ្នែកវ៉ាក់សាំង Sarah Gilbert នៅឯវិទ្យាស្ថាន Jenner ស្ថិតក្នុងការស្រាវជ្រាវនេះដែរ បាននិយាយថា គាត់មានទំនុកចិត្តលើវ៉ាក់សាំងនេះយ៉ាងខ្លាំងរហូតដល់ ៨០ ភាគរយ។ ពិតណាស់ យើងគួរតែតេស្តវា និងយកទិន្នន័យពីមនុស្ស និងត្រូវប្រើវាដើម្បីបញ្ឈប់ការឆ្លងជំងឺកូវីដ១៩ទៅមនុស្សទៀត។
តើវ៉ាក់សាំងនេះមានប្រសិទ្ធភាពដូចម្តេចទៅ?
វ៉ាក់សាំងនេះត្រូវបានបង្កើតឡើងដោយវីរុសផ្តាសាយដែលមានលក្ខណៈខ្សោយ (វីរុស Adenovirus) យកចេញពីសត្វស្វា Chimpanzees ដែលត្រូវបានកែប្រែរួចហើយ ដូច្នេះវាមិនអាចលូតលាស់បង្កជំងឺក្នុងខ្លួនមនុស្សទេ។
ក្រុមការងាររបស់ Oxford ក៏បានបង្កើតវ៉ាក់សាំងប្រឆាំងនឹងជំងឺមឺសរួចទៅហើយ ដែលវាជាប្រភេទជំងឺបង្កឡើងដោយវីរុសកូរ៉ូណាផ្សេងមួយទៀត តាមរយៈវិធីសាស្រ្តដូចគ្នា និងសន្យាថាទទួលបានលទ្ធផលផងដែរ។
ធ្វើម៉េចទើបដឹងថា វានឹងមានប្រសិទ្ធភាពទៅ?
មធ្យោបាយតែមួយគត់ដែលក្រុមការងារនឹងដឹងថា វ៉ាក់សាំងបង្ការជំងឺកូវីដ១០នេះមានប្រសិទ្ធភាពគឺការប្រៀបធៀបចំនួនអ្នកដែលឆ្លងវីរុសកូរ៉ូណាក្នុងរយៈពេលប៉ុន្មានខែមុនពីការសិក្សាទាំងពីរ។ វាអាចជាបញ្ហាមួយ បើសិនជាករណីជំងឺមានការធ្លាក់ចុះលឿនក្នុងប្រទេសអង់គ្លេស ដោយសារតែវាមិនមានទិន្ន ន័យគ្រប់គ្រាន់។
អ្នកស្រាវជ្រាវលើវ៉ាក់សាំងកំពុងតែផ្តល់អត្តិភាពក្នុងការជ្រើសរើសគ្រូពេទ្យព្យាបាលជំងឺតាមតំបន់ចូលរួមក្នុងការសិក្សានេះ ដោយសារតែពួកគេទំនងជាងាយនឹងឆ្លងជំងឺជាងមនុស្សធម្មតា។ ការសិក្សាទ្រង់ ទ្រាយធំជាងនេះដែលមានអ្នកស្ម័គ្រចិត្តប្រហែល ៥០០០នាក់ នឹងចាប់ផ្តើមក្នុងរយៈពេលប៉ុន្មានខែខាងមុខនេះ ហើយក៏នឹងមិនកំណត់អាយុដែរ។ មនុស្សចាស់ៗងាយនឹងមានការឆ្លើយតបនឹងប្រព័ន្ធភាពស៊ាំចំពោះវ៉ាក់សាំងនេះ។ អ្នកស្រាវជ្រាវកំពុងតែវាយតម្លៃថាតើពួកគេអាចនឹងត្រូវការចាក់វ៉ាក់សាំងពីរដងឬអត់?
តើវាមានសុវត្ថិភាពដែរទេ?
អ្នកស្ម័គ្រចិត្តក្នុងការសិក្សានេះនឹងត្រូវការតាមដានយ៉ាងប្រុងប្រយ័ត្នក្នុងរយៈពេលប៉ុន្មានខែខាងមុខ។ ពួកគេត្រូវបានប្រាប់ថា អ្នកខ្លះអាចនឹងឈឺដៃ ឈឺក្បាល ឬក្តៅខ្លួនក្នុងរយៈពេលពីរថ្ងៃដំបូងក្រោយពីចាក់វ៉ាក់សាំងរួច។ យ៉ាងណាមិញ ការប្រឈមមុខក៏មានដែរ ដោយវីរុសអាចជំរុញឲ្យមានប្រតិកម្មធ្ងន់ធ្ងរដែរ។ ប៉ុន្តែក្រុមការងារនិយាយថា ទិន្នន័យដែលទទួលបានធ្វើឲ្យការប្រឈមនឹងបញ្ហានោះគឺមានតិចបំផុត។ អ្នកវិទ្យាសាស្រ្តសង្ឃឹមថានឹងផលិតវ៉ាក់សាំងនេះមួយលានដូសរួចរាល់ក្នុងខែកញ្ញាខាងមុខ ហើយវ៉ាក់សាំងនេះក៏គួរតែមានការទទួលស្គាល់ការមានប្រសិទ្ធភាពរបស់វាដែរ៕