តើអ្នកចេះតែមានបញ្ហាក្អកនៅពេលគេងយប់ឡើងមែនទេ? ទោះបីជារឿងនេះនឹងទំនងជាមិនកើតឡើងលើមនុស្សភាគច្រើនក៏ដោយ ប៉ុន្តែការយល់ដឹងអំពីមូលហេតុរបស់វាបានត្រឹមត្រូវ ពិតជាងាយស្រួលក្នុងការដោះស្រាយ និងចៀសផុតពីការប្រើប្រាស់ថ្នាំព្យាបាលផ្តេសផ្តាសបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានហេតុផលច្រើនណាស់ដែលនាំឲ្យមនុស្សម្នាក់ក្អកកាន់តែខ្លាំងនៅពេលតម្រេតក្បាលគេងនៅពេលយប់ ដូចជា៖
- ករណីដែលមានការបង្ករោគនៅក្នុងប្រហោងឆ្អឹងមុខ និងការបង្ករោគនៅផ្លូវដង្ហើមខាងលើ ច្រើនតែបង្កើតជាស្លេសមួយចំនួននៅក្នុងនោះ។ នៅពេលថ្ងៃ យើងអាចលេបវាចូលទៅក្នុងពោះវិញបានតាមរយៈទំនាញផែនដី។ យ៉ាងណាមិញ ស្លេសទាំងនេះនឹងចាលឡើងមកបំពង់កវិញនៅពេលដែលអ្នកគេង ហើយក៏បង្កការរលាកដល់ផ្នែកខាងក្រោយរបស់បំពង់ និងចេញជាលទ្ធផលក្អកតែម្តងទៅ។
- ហេតុផលមួយទៀតគឺថា ក្នុងពេលកំពុងតែគេង អាហារក្នុងក្រពះពេលខ្លះអាចនឹងច្រាលមកខាងលើវិញ ហើយក៏វាធ្វើឲ្យក្អកបានដែរ។ ករណីបែបនេះភាគច្រើនកើតឡើងលើអ្នកដែលញ៉ាំអាហារច្រើនៗ និងខ្សោយសាច់ដុំខ្ជិបនៅកក្រពះតែម្តង។
- បើសិនជាមនុស្សម្នាក់មានបញ្ហាអាឡែហ្ស៊ីនឹងសត្វល្អិតណាមួយនៅលើគ្រែដែលគេគេងនោះ គេក៏នឹងប្រឈមខ្លាំងនឹងការក្អកក្នុងពេលគេងដែរ។
- កាលណាក្នុងបន្ទប់គេងខ្វះភាពសំណើម ក៏ជាហេតុផលមួយធ្វើឲ្យអ្នកក្អកកាន់តែខ្លាំងដែរ។ នៅពេល យប់ ផ្លូវដង្ហើមរបស់មនុស្សងាយនឹងរងសម្ពាធនៃការខ្ជិបតូចណាស់ ជាពិសេសអ្នកដែលមានជំងឺហឺត តែម្តង។
ពេលណាគួរតែជួបគ្រូពេទ្យ?
អ្នកជំងឺគួរតែទាក់ទងទៅគ្រូពេទ្យនៅពេលការក្អករបស់ពួកគេមានជាប់ទាក់ទងនឹងការក្តៅខ្លួន ពិបាកដកដង្ហើម មានស្លេសពណ៌លឿងខ្ចី ការដកដង្ហើមឮសូរដូចហួច ឬក្អកធ្ងន់ធ្ងរ។ យ៉ាងណាមិញបើសិនជាការក្អកនេះបន្តយូរជាង ១សប្តាហ៍ អ្នកត្រូវតែទៅជួបគ្រូពេទ្យដែរ៕