ការធាត់ដុះក្បាលពោះខ្លាំង អាចជាសញ្ញាញឹកញាប់មួយនៃជំងឺទាក់ទងនឹងរបៀបរស់នៅ។ បើសិនជាចង្កេះមានទំហំធំជាងធម្មតាខ្លាំងបែបនោះ វាអាចនឹងបង្កជាជំងឺធ្ងន់ធ្ងរជាច្រើនបានដូចជា ការប្រឈមកាន់តែខ្លាំងនឹងជំងឺទឹកនោមផ្អែម ជំងឺបេះដូងសរសៃឈាម ឬមហារីកជាដើម។ 

១. ជំងឺសរសៃឈាមបេះដូង

ទំហំចង្កេះអាចផ្ទុកនូវហេតុផលនាំឲ្យបេះដូងមានបញ្ហាបាន ហើយក៏ដើរតួនាទីជាកត្តាប្រឈមនឹងជំងឺសរសៃឈាមបេះដូង ជាពិសេសមនុស្សវ័យកណ្តាល និងស្រ្តីវ័យចំណាស់តែម្តង។ ការប្រឈមនេះនឹង កើនឡើងកាលណាស្រ្តីឈានដល់រ៉ាំងរដូវ។

២. ជំងឺទឹកនោមផ្អែម

តើអ្នកមានដឹងទេថា ទំហំចង្កេះកាន់តែធំអាចនាំឲ្យកើតជំងឺទឹកនោមផ្អែមប្រភេទទី២ដែរទេ ជាពិសេសអ្នកដែលមានទម្ងន់ធម្មតា ឬស្គម។ ថ្វីបើការប្រឈមនេះមានខ្ពស់លើស្រ្តីក៏ដោយ តែបុរសក៏អាចប្រឈមមុខដូចគ្នាដែរ បើសិនជាពួកគេជក់បារី និងញ៉ាំគ្រឿងស្រវឹងបន្ថែមទៀត។ 

រូបតំណាង

៣. បញ្ហាផ្លូវភេទ

មែនហើយ កាលណាក្បាលពោះធំពេក វាពិតជារំខានដល់ជីវិតផ្លូវភេទបាន។ តាមការសិក្សាឆ្នាំ ២០១៦ ដែលចុះផ្សាយក្នុងសារព័ត៌មាន American Journal of Medicine បានអះអាងថា កាលណាទំហំចង្កេះធំពេក អាចនាំឲ្យថយចុះសកម្មភាពផ្លូវភេទលើស្រ្តីក្រោយរ៉ាំងរដូវរួច។ 

៤. មហារីក

ការសិក្សាបានរកឃើញថា អ្នកដែលមានជំងឺទឹកនោមផ្អែមប្រភេទទី២ និងកម្រិត BMI ខ្ពស់ គឺប្រឈមខ្លាំងនឹងមហារីកថ្លើម។ កាលណាទំហំចង្កេះរីកធំលើសពីធម្មតា ៥សង់ទីម៉ែត្រ ការប្រឈមនឹងជំងឺមហារីកថ្លើមកើនដល់ ៨ភាគរយ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]