បរទេស៖ ជាការពិតណាស់ សុរា គឺជាគ្រឿងស្រវឹងដ៏ពេញនិយមម៉្យាង សម្រាប់មនុស្សភាគច្រើននៅជុំវិញពិភពលោក ដែលជាទូទៅគេតែងប្រើវា នៅក្នុងមានពិធីជប់លៀង ឬការជួបជុំផ្សេងៗ។ ប៉ុន្ដែ កាលពីពេលថ្មីៗនេះ អង្គការសុខភាពពិភពលោក ហៅកាត់ថា WHO បានព្រមានថា អ្នកដែលពិសារគ្រឿងស្រវឹងនឹងមានហានិភ័យខ្ពស់ ក្នុងការឆ្លងជំងឺកូវីត-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជុំវិញការអះអាងបែបនេះដែរ អង្គការសុខភាពពិភពលោកបានពន្យល់ថា៖
ជាតិអាល់កុល បានធ្វើឲ្យប្រព័ន្ធភាពស៊ាំរបស់មនុស្សធ្លាក់ចុះខ្សោយ ដែលពិបាកនឹងស្ដារឡើងវិញណាស់ ទើបជាហេតុបណ្ដាលឲ្យមនុស្សងាយឆ្លងជំងឺដង្កាត់ផ្សេងៗ។ ដូច្នេះ នៅក្នុងកាលៈទេសៈនេះ ប្រជាជនគួរកាត់បន្ថយការទទួលទានគ្រឿងស្រវឹង ដើម្បីបង្ការជំងឺកូវីដ-១៩ ។
គួរឲ្យដឹងដែរថា ការប្រកាសនេះ បានធ្វើឡើងនៅពេលដែលមានព័ត៌មានមិនពិតជាច្រើន បានផ្សព្វផ្សាយតាមអុីនធឺណិតថា ការពិសារស្រា អាចជួយសម្លាប់មេរោគបាន។
ពាក់ព័ន្ធនឹងករណីនេះ អង្គការសុខភាពពិភពលោក បាននិយាយយ៉ាងដូច្នេះថា៖
ការភ័យខ្លាចនៃជំងឺ ស្របពេលនឹងព័ត៌មានមិនពិត គឺបង្កគ្រោះថ្នាក់ណាស់។ ហើយព័ត៌មានដែលថា ការពិសារគ្រឿងស្រវឹងច្រើន អាចសម្លាប់មេរោគបាននោះ មិនមែនជាការពិតទេ៕
Bong I.T