ថៃ៖ ទារកដែលកើតនៅមន្ទីរពេទ្យមួយក្នុងប្រទេសថៃត្រូវបានបំពាក់ដោយប្រដាប់ការពារមុខប្លាស្ទិកពិសេស ដើម្បីការពារទារកពីការចម្លងរោគពីវីរុសកូរ៉ូណា។ ពួកគេបានកើតនៅក្នុងពេលមួយដែលពិភពលោកកំពុងគ្របដណ្តប់ដោយជំងឺរាតត្បាត ប៉ុន្តែវាមិនមានន័យថាពួកគេមិនត្រូវការការការពារនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រដាប់ការពារមុខឬរបាំងទាំងនេះត្រូវបានរចនាឡើងដើម្បីការពារដំណក់ទឹកតូចៗពីការក្អក ឬ កណ្តាស់ដែលអាចឲ្យដំណក់ទឹកតូចៗទាំងនោះទៅលើមុខរបស់ទារក។
នៅក្នុងបណ្តាណសង្គមហ្វេសប៊ុក បុគ្គលិកនៅមន្ទីរពេទ្យ Praram 9 ក្នុងរដ្ឋធានីបាងកកបាននិយាយ ថា របាំងទាំងនេះត្រូវបានគេប្រើប្រាស់ក្នុងគោលបំណង “សុវត្ថិភាពគឺជាអ្វីដែលយើងយកចិត្តទុកដាក់បំផុត"។
រូបថតពីបន្ទប់សម្ភពកាលពីថ្ងៃព្រហស្បតិ៍បានបង្ហាញគិលានុបដ្ឋាយិកាដែលពាក់ម៉ាស់វេជ្ជសាស្រ្តកំពុងតែបីទារកទើបនឹងកើតដែលរុំដោយកន្សែងពណ៌ស និងពាក់ប្រដាប់ការពារមុខប្លាស្ទិកខ្នាតតូចយ៉ាងគួរឲ្យស្រលាញ់។ ខាងមន្ទីរពេទ្យបានបន្ថែមថា ប្រដាប់ការពារមុខប្លាស្ទិចខ្នាតតូចទាំងនេះគឺជាផ្នែកមួយនៃកិច្ចខិតខំប្រឹងប្រែងដើម្បីផ្តល់ឱ្យម្តាយនានានូវភាពធានាបានសម្រាប់ការការពារយ៉ាងម៉ត់ចត់លើកូនៗរបស់ពួកគាត់។
គំនិតទាំងនេះចាប់ផ្តើមលេចឡើង ខណៈពេលដែលវីរុសថ្មី COVID-19 បានសម្លាប់មនុស្សយ៉ាងច្រើនសម្រាប់មនុស្សវ័យចំណាស់ ហើយទារកក៏មានគ្រោះថ្នាក់ផងដែរពាសពេញពិភពលោក។
យោងតាមទិន្នន័យពីក្រសួងសុខាភិបាលប្រទេសថៃបានបញ្ជាក់ថា មានករណីឆ្លងវីរុសថ្មី COVID-19 មានចំនួនអ្នកឆ្លងចំនួន ២៤៧៣នាក់ ជាសះស្បើយចំនួន ១០១៣នាក់ និងមានអ្នកស្លាប់ចំនួន ៣៣នាក់៕