អ៊ីតាលី៖ Barcelona ត្រូវបានគេដឹងថាចាប់អារម្មណ៍ចង់បានខ្សែប្រយុទ្ធរបស់ Juventus កីឡាករ Federico Bernardeschi ដោយគ្រោងនឹងដាក់កីឡាករចំនួន២រូបមកកាន់ Juventus ឲ្យពិចារណាទៅលើការដោះដូរ នេះបើតាមការចុះផ្សាយរបស់ទីភ្នាក់ងារសារព័ត៌មានអ៊ីតាលី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករទាំង២រូបដែលក្លិបរហស្សនាមអ្នកមានបុណ្យចង់ដាក់មកឲ្យក្រុមរបស់លោក Maurizio Sarri ធ្វើការជ្រើសរើសរួមមានខ្សែបម្រើ Ivan Rakitic និង ខ្សែការពារ Samuel Umititi។
កីឡាករដែលជួយឲ្យក្រូអាតឡើងដល់វគ្គផ្ដាច់ព្រ័ត្រពានរង្វាន់ World Cup 2018 ហាក់មិនសូវមានឱកាសបង្ហាញខ្លួនឲ្យ Barcelona នោះទេសម្រាប់រដូវកាលនេះ។ ជាមួយគ្នានេះ Rakitic ក៏បានបើកភ្លើងខៀវក្នុងការផ្លាស់ទៅកាន់ក្របខណ្ឌ Serie A ខណៈ Juventus កំពុងតែសម្លឹងមើលក្នុងការនាំចូលខ្សែបម្រើផងដែរ។
ចំណែកឯ Samuel Umititi ឯណេះវិញក៏មិនសូវបង្ហាញវត្តមានលើវាលស្មៅឲ្យក្រុមលោក Quique Setien ដូច Rakitic ដែរ។ ដំណឹងលេចឭមកថាបណ្ដាក្លិបមួយចំនួននៅក្របខណ្ឌ Premier League បានចាប់អារម្មណ៍ខ្សែការពារជម្រើសជាតិបារាំងរូបនេះ ហើយ Juventus ក៏ជាបេក្ខភាពមួយផងដែរ។
គួរឲ្យដឹងដែរថា កីឡាករដែល Barcelona ចង់បានពី Juventus ខ្សែបម្រើប្រយុទ្ធ Federico Bernardeschi នៅរដូវកាលនេះចូលលេងឲ្យក្លិមានមូលដ្ឋាននៅទីក្រុង Turin បាន២៤ប្រកួត រកបានគ្រាប់បាល់១គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច១លើក៕
ប្រភព៖ AF