អង់គ្លេស៖ កីឡាករ Aaron Wan-Bissaka បានចុចឈ្មោះខ្សែប្រយុទ្ធស្លាប Raheem Sterling របស់ក្រុមមេឃខៀវ Manchester City ថាជាគូប្រកួតដែលគេពិបាករារាំងជាងគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សWan-Bissaka បានក្លាយជារនាំងការពារដ៏សំខាន់ម្នាក់របស់ក្រុម Man UTD ចាប់តាំងពីផ្លាស់ពីក្រុម Crystal Palace មកកាន់កីឡដ្ឋាន Old Trafford ក្នុងតម្លៃ៥០លានផោន កាលពីរដូវក្ដៅឆ្នាំមុនមក។ ជាក់ស្ដែងខ្សែការពារស្លាបស្ដាំ បង្ហាញខ្លួនឲ្យក្រុមលោក Ole Gunnar Solskjaer បាន៣៤ប្រកួតហើយ ក្នុងរដូវកាល២០១៩/២០ នេះ។
យ៉ាងណាមិញ នៅពេលត្រូវបានគេសួរថា តើកីឡាកររូបណាដែលគេគិតថា ពិបាកបិទជាងគេ តាំងពីលេងឲ្យ Man UTD មក? ភ្លាមៗនោះ ជម្រើសជាតិអង់គ្លេសបានតបទៅវិញ យ៉ាងដូច្នេះថា៖
Wan-Bissaka បានលេងតទល់នឹង Sterling ចំនួន២ដង ក្នុងរដូវកាលនេះ ដោយក្នុងនោះក្រុម Man UTD បានយកឈ្នះទៅលើ Man City ទាំងពីរប្រកួត ជាពិសេសខ្សែការពារស្លាបវ័យ២២ឆ្នាំ បានបិទ Sterling យ៉ាងល្អ មិនឲ្យគេរកបានសូម្បីតែ១គ្រាប់។
ម្ចាស់អាវលេខ២៩ របស់ក្រុមបិសាចក្រហម រូបនេះ បាននិយាយបន្ថែមពីការប្រកួតទល់នឹងក្រុមលោក Pep Guardiola ថា៖
គួររម្លឹកផងដែរថា សម្រាប់ការប្រកួត Manchester Derby នៅក្របខណ្ឌ Premier League រដូវកាលនេះ ក្នុងជើងទី១ នៅឯកីឡដ្ឋាន Etihad Stadium ក្រុម Man UTD បានយកឈ្នះ Man City ២ទល់នឹង១។ ចំណែកឯជើងទី២ ត្រឡប់មកលេងនៅកីឡដ្ឋាន Old Trafford វិញ ក្រុមលោក Solskjaer បានបន្តយកឈ្នះក្រុមលោក Pep ២ទល់នឹង០៕
ប្រភព៖ dailymail