ឡុងដ៍៖ នាយករដ្ឋមន្រ្តីអង់គ្លេសលោក បូរីស ចនសុន (Boris Johnson) ត្រូវបានគេបញ្ជូនទៅមន្ទីរពេទ្យកាលពីថ្ងៃអាទិត្យដើម្បីធ្វើតេស្ត បន្ទាប់ពីលោកបានឆ្លងវីរុសកូវីត១៩អស់រយៈពេល១០ថ្ងៃ ប៉ុន្តែអាការៈជំងឺរបស់លោកហាក់នៅមិនទាន់មានភាពធូរស្បើយនៅឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក ចនសុន ត្រូវបានគេដាក់ឱ្យនៅដាច់ដោយឡែក បន្ទាប់ពីការធ្វើតេស្តវិជ្ជមានកាលពីខែមុន ហើយដោយសារតែសីតុណ្ហភាពខ្លួនលោកមិនព្រមថយចុះ ដូច្នេះវេជ្ជបណ្ឌិតរបស់លោកបានផ្តល់យោបល់ឱ្យលោក ចនសុន ត្រូវទៅមន្ទីរពេទ្យដើម្បីធ្វើតេស្តពិនិត្យសុខភាព។
នៅក្នុងសេចក្តីថ្លែងការណ៍មួយកាលពីថ្ងៃអាទិត្យ អ្នកនាំពាក្យរបស់វិមាន Downing Street បាននិយាយថា៖
តាមយោបល់របស់វេជ្ជបណ្ឌិត លោកនាយករដ្ឋមន្ត្រីត្រូវទៅមន្ទីរពេទ្យនៅយប់នេះ ដើម្បីធ្វើតេស្តម្តងទៀត។
អ្នកនាំពាក្យបានបន្ថែមថា៖
នេះគឺជាជំហានប្រុងប្រយ័ត្នជាមុន ខណៈដែលនាយករដ្ឋមន្ត្រីនៅតែមានទាន់មានភាពធូរស្បើយ បន្ទាប់ពីលោកបានឆ្លងជំងឺអស់រយៈពេល ១០ ថ្ងៃមកហើយ។
សូមជម្រាបផងដែរថា នាយករដ្ឋមន្ត្រីអង់គ្លេសលោក ចនសុន ដែលមានវ័យ ៥៥ ឆ្នាំបានក្លាយជាមេដឹកនាំទីមួយនៃប្រទេសមហាអំណាច ដែលបានប្រកាសថាលោកបានឆ្លងវីរុសកូវីត១៩។ ហើយរហូតមកដល់ពេលនេះ លោកត្រូវនៅដាច់ដោយឡែក ចំណែកឯការងារដឹកនាំការប្រយុទ្ធប្រឆាំងកូវីដ១៩ នៅប្រទេសអង់គ្លេស ត្រូវបានផ្ទេរទៅឱ្យរដ្ឋមន្ត្រីការបរទេសដឹកនាំជំនួស៕
សូមទស្សនាវីដេអូខាងក្រោម៖
Bong I.T