អឺរ៉ុប៖ មេឃខៀវ Manchester City និងក្លិបអធិរាជស Real Madrid ត្រូវបានរាយការណ៍មកថាបាននឹងកំពុងតែប្រឈមមុខគ្នាក្នុងការតាមទិញខ្សែប្រយុទ្ធរបស់ Tottenham Hotspur កីឡាករ Harry Kane នៅកំឡុងទីផ្សារដោះដូរកីឡាកររដូវក្ដៅ។

កីឡាករ Harry Kane

ប្រធានក្រុមជម្រើសជាតិអង់គ្លេសទើបតែបង្ហើបឲ្យដឹងថា គេអាចនឹងចាកចេញពី Spurs បើសិនជាទម្រង់លេងរបស់ក្រុមមិនមានភាពប្រសើរឡើង។ បើតាម The Express ក្លិប Man City និង Real Madrid កំពុងតែប្រជែងគ្នាក្នុងការតាមទិញខ្សែប្រយុទ្ធវ័យ២៦ឆ្នាំ Kane ដែលបច្ចុប្បន្នកំពុងតែសម្រាកព្យាបាលរបួស។

កីឡាករ Harry Kane

ចំពោះតម្លៃខ្លួនរបស់ Kane វិញត្រូវបានគេប៉ាន់ស្មានថាប្រមាណជា១៥០លានផោន ក្នុងទិញផ្ដាច់កុងត្រារបស់គេ ខណៈកិច្ចសន្យារបស់គេនិងក្រុមរបស់លោក Jose Mourinho មានសុពលភាពដល់រដូវក្ដៅឆ្នាំ២០២៤។ ជាមួយគ្នានេះ Spurs ត្រូវបានគេរាយការណ៍មកថា មិនមានបំណងចង់លក់ខ្សែប្រយុទ្ធកណ្ដាលឆ្នើមរបស់ខ្លួនម្នាក់នេះទេ។

គួរឲ្យដឹងដែរថា មុនមានបញ្ហារបួស Kane ចូលលេងក្នុងរដូវកាលនេះបាន២៥ប្រកួត ព្រមទាំងអាចរកបាន១៧គ្រាប់ផងដែរ។ បើគិតចាប់ពីដំឡើងមកកាន់ក្រុមធំនៃក្លិបមានមូលដ្ឋាននៅទីក្រុងឡុងដ៍ Kane ចូលលេងបាន២៧៨ប្រកួត និងរកបាន១៨១គ្រាប់៕

កីឡាករ Harry Kane

ប្រភព​​​៖ SportsMole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ