កំពុងល្បីលើបណ្ដាញសង្គម! មិនហ៊ានចេញទៅក្រៅ Ronaldo ឲ្យគូដណ្ដឹងកាត់សក់ឲ្យ ស្វីតកប់សារី (មានវីដេអូ)

ព័រទុយហ្គាល់៖ កីឡាករ Cristiano Ronaldo គឺជាកីឡាករចុងក្រោយបង្អស់ដែលបានកាត់សក់កំឡុងពេលដែលសម្រាកដោយសារការរាតត្បាតនៃវីរុស COVID-19 ខណៈគូដណ្ដឹងរបស់គេនាង Georgina Rodriguez ដើរតួនាទីជាជាងកាត់សក់ឲ្យគេ។

ដោយសារតែមិនអាចចេញទៅរកជាងកាត់សក់ប្រចាំនៅខាងក្រៅផ្ទះ Ronaldo បានបង្ខំចិត្តពឹងគូដណ្ដឹងរបស់គេឲ្យជួយកាត់សក់។ វីដេអូមួយដែលបង្ហោះនៅលើបណ្ដាញសង្គម និងមានការចែករំលែកជាច្រើន Ronaldo បានអង្គុយនៅលើកៅអី ចំណែកឯនាង Georgina កំពុងតែកោសក់របស់គេពីក្រោយ។

ជាមួយគ្នានេះ នៅក្នុងវីដេអូនោះដែរ អតីតខ្សែប្រយុទ្ធរបស់ Real Madrid និង Manchester United កីឡាករ Cristiano Ronaldo បានបង្ហាញទឹកមុខញញឹមនិងរីករាយ នៅពេលកំពុងថតផងដែរ ដោយមើលទៅអ្នកទាំងពីរមានភាពស្និទ្ធស្នាលមែនទែន។

ចង់ជ្រាប់កាន់តែច្បាស់ សូមទស្សនាវីដេអូខាងក្រោម៖