ជប៉ុន៖ កាលពីថ្ងៃទី២៨ ខែមីនាកន្លងទៅថ្មីៗនេះ សកលវិទ្យាល័យជប៉ុន Business Breakthrough University បានប្រារព្ធពិធីទទួលសញ្ញាបត្រ ក្នុងសណ្ឋាគារ Hotel Grand Palace នៅទីក្រុងតូក្យូ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខណៈពេលស្ថានភាពវីរុសកូវីដ-១៩កំពុងរាតត្បាតឥតឈប់ឈរ និស្សិតបួននាក់ដែលបញ្ចប់ការសិក្សាមកពីផ្នែកចំនួន២ មិនបានចូលរួមពិធីផ្ទាល់ឡើយ។ យ៉ាងណាមិញ ខាងសកលវិទ្យាល័យ បានប្រើប្រាស់មនុស្សយន្ដ Newme ដែលបង្កើតឡើងដោយក្រុមហ៊ុន ANA Holding មកទទួលសញ្ញាបត្រជំនួសនិស្សិតទាំងនោះវិញ។
មនុស្សយន្ដ Newme ត្រូវបានបំពាក់ថេបប្លេតនៅលើផ្ទៃមុខ សម្រាប់ឲ្យនិស្សិតវីដេអូខល ដោយបង្ហាញពីមុខមាត់និស្សិតផ្ទាល់តែម្ដង។ ហើយដើម្បីឲ្យទិដ្ឋភាពមើលទៅកាន់តែដូចពិតៗទៀតនោះ មនុស្សយន្ដក៏ត្រូវបានគេបំពាក់ឈុតទទួលសញ្ញាបត្រផងដែរ៕
សូមទស្សនារូបភាពខាងក្រោម៖